الجمعة، أبريل 28، 2006

حوار من القلب مع أخى المسيحى


عندى مبدأ من زمان حطيته لنفسى لما واحد اعرفه قالى انه مش بيحب المسيحين
لما سألته عن السبب قالى آهو كده وخلاص
ولم قولت له انت اتولد لقيت ابوك وامك مسلمين بقيت مسلم هوا اتولد من اب وام مسيحيين بقى مسيحى لا انت ولا هو ليك دخل فى دا ، ودا مش معناه انك وحش او هو وحش
فى إنسان كويس وفى إنسان وحش مش معنى انك مسلم تبقى وحش او انه مسيحى يبقى وحش
إتعامل مع الناس كلها على انهم بنى آدمين فيهم الكويس وفيهم الوحش وماتعممش غلطة حد على ان كل الناس وحشه
طبعا سابنى ومشى وشكله قال فى سره كلام ماينفعش يتقال .ساعتها فضلت افكر ليه فى ناس بيفكروا بالطريقة دى . جت منين فكرة انك ماتحبش واحد من غير سبب وانك تعمم ان كلهم وحيشن او ان كلهم فيهم كذا وكذا ...قولت احسن واحد اقدر اكلمه فى الموضوع دا هوا اعز صديق ليا
صديقى من زمان واحنا اكتر من الاخوات . مسيحى محترم بيحترمنى لشخصى وانا كمان
لما نكون فى رمضان ويبقى معانا لا يأكل ولا يشرب أمامنا حفاظاً على مشاعرنا مع إنه لو اكل او شرب محدش يقدر يلوم عليه لإن فى مسلمين - للأسف - مش بيصموا فى رمضان
ولو مثلا هناكل بره وانا عارف ان صحبى صايم ما اطلبش اكل هوا مش هيقدر ياكل منه وهوا يقول لنا عادى كلوا اللى انتوا عايزينه بس احنا لازم نراعى شعور بعض لإن هوا صحبى وبخاف على مشاعره
لما سألت صحبى ليه فيه مسافة كبيرة ساعات بين المسلمين والمسيحين فى مصر قالى الأسباب معقدة فى حاجات كتير . قالى مثلاً شوف المسلمين بره مصر بيحصل فيهم آيه ؟
!! قولت له بيطلع عنيهم فى حاجات كتير
قالى تعرف ليه ؟
قولت له إن ساعات الغرب بيبص لهم انهم بياخدوا فرص عمل اصحاب البلد وبعدين نظرة الارهاب المرتبطه بالمسلمين مزوده الموضوع سوء !!
قالى نسيت اهم حاجه " انهم أقلية فى البلد " والشعب بيتعامل معاهم على هذا الاساس .ان مهما اتعمل فيهم محدش هيقدر يفتح بقه ولو حد فتح بقه محدش هيسمعله ومش هيعملوا حاجه علشان كده المسلمين بره بيعمله آيه !!!!!بيلجأو انهم يتجمعوا فى مكان واحد قريبين من بعض يشاركوا بعض فى المناسبات ويقفوا جنب بعض فى المشاكل .
قالى هوا دا بالظبط اللى المسيحين فى مصر حاسين بيه بس المشكله ان تحس دا فى بلدك وانت وسط أهلك وحبيبابك يبقى شعورك آيه ساعتها
سكت صحبى عن الكلام ووقفت الساعة حاسيت ان الدنيا بقى لونها غريب ... فعلا احساسك آيه وانت فى بلدك وتحس انك غريب ومش من حقك تعيش فيها وانك غير مرغوب فيك فيها احساس الظلم وحش من اى حد ولأى سببب
يارب نعيش كلنا فى سلام ومحبة لإننا فى الآخر بنقول يارب

الجمعة، أبريل 21، 2006

!!! مطلوب فراش في مايكروسوفت

القصة دى مش مهم حقيقية ولا خيال ... ولا مين اللى قالها ولا وصلت ليا إزاى ... المهم إن ليها معنى ... أتمنى ان المعنى اللى وصلنى منها يوصلكم ...
-: شوفوا القصة وشوفوا اللى اتقال عليها
تقدم رجل لشركة مايكروسوفت للعمل بوظيفة - فراش - بعد إجراء المقابلة والاختبار (تنظيف أرضية المكتب) ، اخبره مدير التوظيف بأنة قد تمت الموافقة عليه وسيتم إرسال قائمة بالمهام وتاريخ المباشرة في العمل عبر البريدالإلكتروني
أجاب الرجل: ولكنني لا املك جهاز كمبيوتر ولا املك بريد إلكتروني
رد عليه المدير (باستغراب):من لا يملك بريد إلكتروني فهو غير موجود أصلا ومن لا وجود له فلا يحق له العمل
خرج الرجل وهو فاقد الأمل في الحصول على وظيفة ، فكر كثيراً ماذا عساه أن يعمل وهو لا يملك سوى 10 دولارات ...... بعد تفكير عميق ذهب الرجل إلى محل الخضار وقام بشراء صندوق من الطماطم ثم اخذ يتنقل في الأحياء السكنية ويمر على المنازل ويبيع حبات الطماطم . نجح في مضاعفة رأس المال وكرر نفس العملية ثلاث مرات إلى أن عاد إلى منزلة في نفس اليوم وهو يحمل 60 دولار أدرك الرجل بان يمكنه العيش بهذه الطريقة فاخذ يقوم بنفس العمل يوميا يخرج في الصباح الباكر ويرجع ليلا. أرباح الرجل بدأت تتضاعف فقام بشراء عربة ثم شاحنة .حتى اصبح لدية أسطول من الشاحنات لتوصيل الطلبات للزبائن ...... بعد خمس سنوات اصبح الرجل من كبار الموردين للأغذية في الولايات المتحدة. لضمان مستقبل أسرته فكر الرجل في شراء بوليصة تامين على الحياة فاتصل بأكبر شركات التامين وبعد مفاوضات استقر رأيه على بوليصة تناسبه فطلب منه موظف شركة التامين أن يعطيه بريده الإلكتروني
!! أجاب الرجل: ولكنني لا املك بريد إلكتروني
!! رد عليه الموظف (باستغراب): لا تملك بريداً إلكترونيا ونجحت ببناء هذه الإمبراطورية الضخمة
تخيل لو أن لديك بريداً إلكترونيا! فأين ستكون اليوم ؟؟؟
أجاب الرجل بعد تفكير : فراش في مايكروسوفت
-------------------------------------------------------------------------------------
-: دا اللى إتقالى علي القصة لما قولتها لناس
الإنترنت مش وسيلة للحياة *
من غير الإنترنت ممكن اكون مليونير *
( اللى يقرأ القصة دى وهوا على النت يبقى قريب جدا إنه يكون (فراش في مايكروسوفت *
كلمة قبيحة .وانا مالى *
ياريس اللى فى امريكا دول عفاريت شوفت بيجبوا فلوس من الهوا إزاى *
*********
دا جزء من اللى اتقال على القصة. وفى وجهات نظر تانية جامدة جدا وفعلاً تعبر عن مضمون البتنجان المخلل لدى شعوب الفاصوليا البيضاء ... أى كلام وخلاص
انا شايف من القصة دى انه أهم من انك تفكر فى اللى مش عندك فكر فى استغلال اللى عندك من قدرات وموارد مهما كانت صغيرة ممكن تكبرها ومن غير يأس هتوصل اسرع ودا مثل حى على كده
لو ضيعت وقتك فى الحصول على اللى مش عندك ممكن فى الآخر تلاقى نفسك ما حققتش حاجه لإن الوقت ضاع على الفاضى
،، عايش منصور