الاثنين، نوفمبر 05، 2007

الطوفان

ها أنا ذا جالس على نفس الكرسى الذى اعتد ان اجلس عليه حينما أكتب.ها أنا ذا ناظر إلى ما يحدث حولى كأنى أشاهد فيلماً سنيمائيا لا نهاية له.
وها هى نفس اليدين ترتعشان من كثرة الحمل الملقى على عاتقها فى نقل ما بداخلى الى كلمات، ونقل مشاعرى الى حروف، ونقل آمالى وطموحاتى الى نقاط وفواصل.
كثيرة هى المعانى التى فقدت معناها، كثيرة هى الحياة التى توقفت عن الحياة، كثيرة هى الأمال التى فقدت أملها فى الأمل، كثيرة هى المحاولات التى تنتظر محاولة تحقيق محاولاتها.
تعلمت كثيرا من سفرى وفقدت كثير من تعاليمى، افتقدت الكثير وفُقِدَ منى أكثر، ربحت معارك وخسرت معارك لكن أين هى الحرب التى أخوضها ومع من أحارب.
لا نعرف الأشخاص على حقيقتهم حتى نقاتلهم او نراهم يتقاتلون، لكن عندما نقاتلهم ونهزمهم او نهزم منهم ونرجع الى ذكريات القتال يأتى السؤال الذى لا إجابة له. هل حقاً استحق القتال ما قاتلنا من أجله ؟
رأيت الكثير مما يمكن رؤيته ولكنى رأيت هنا ما لا يمكن رؤيته فى أى مكان آخر، رأيت الروح فى الأشياء التى لا روح لها ولم أرى أرواح للذين روح لهم.
أدركت أن إبتسامة الروح أهم وأصعب من ابتسامة الوجه، لكن إبتسامة الوجه هى مفتاح ابتسامة الروح. أدركت ان كلمة إعتذار للمخطئن فى حقى اقوى من اى سهام قد تصيبهم من إطلاقى لها فى قلوبهم.
مواجهة الصعاب اسهل كثيرا من الهروب منها، لإن وقت ضررها اقل من ضرر الهروب منها لإنه قد لا ينتهى ابداً.
قد أعود مجددا لما كنت عليه فى السابق وقد لا أعود، لكنى علمت ان لا فائدة فى إنتظار النهاية لإنها أتت بالفعل وإنتهت وإنى الآن أعيش ما بعد النهاية. فالقادم نحوى بدأ بالفعل بالتحرك.
من بين كل شجر العالم ، لدى شجرة لا تنسى
من بين كل الأشخاص الذين قابلتهم، لدى شخص لا ينسى
من بين كل القلوب التى دخلتها، لدى قلب لا ينسى
من بين كل العطور التى هزتنى رائحتها، لدى عطر لا ينسى
من بين كل العيون التى رأيتها ، لدى عينان لا تنسى
من بين كل الأوراق التى معى ، لدى ورقة لا تنسى
من بين كل الجراح بداخلى ، لدى جرح لا ينسى
ومن بين كل هؤلاء وهؤلاء غيرهم ، لدى حياة واحدة أعيشها لن أنساها.


الاثنين، أغسطس 13، 2007

العبور إلى الجانب الآخر

حانت ساعة الحسم .. وانتظرت ساعة عبورى إلى الجانب الآخر ، لا أدرى إن مر الوقت سريعا أم بطيء، لا أدرى إن مر فعلا أم توقف. إحساس عادى فى وقت غير عادى، قلق منقول من قلق الغير. ترقب محول إلى من ترقبهم. هم دائما مزعجون.
عبرت الفاصل الزجاجى من المطار، وبدأت أنظر إلى ما كنت دوما أتساءل عنه فى نفسى. لا توجد لدى رغبة فى الاستمرار أو التراجع. لا أعرف هل اشتياقى لمن أحبهم اكبر أم اشتياقى لاجتياز المجهول أكبر.
وصعدت إلى الطائرة وبداخل ذاكرتى جهاز تسجيل لكل ما يحدث ولكل ما أرى. وكعادتى التى لا اختيار فيها جلس بجوارى أغرب من على الطائرة. على يسارى مصرى يعمل مهندس اتصالات فى البحرين ، هادئ الملامح بدين الجسد وعلى يسارى رجل سعودى وامرأة بجواره.
من على يسارى مجرد جلوسه على الكرسى وربط حزام الأمان، تهاوى فى سبات أهل الكهف مع موسيقى تصويرية تذكرنى بصديق عزيز اعرفه جيداً. ومن على يمينى بدئوا فى السخرية على الرجل النائم وانفجروا فى ضحك هيستيرى جعلت كل من فى الطائرة يحدق فيهم وفى النائم أكثر وأنا فى وسطهم.
وبدأت الطائرة فى الاستعداد للإقلاع ، وهنا ذات وتيرة الموسيقى لمن على يسارى والضحك المتواصل لمن على يمينى وذاد حنقى منهم جميعا ولكن لا استطيع أن اخرج غضبى لأن لا جدوى من ذلك كما قال اللى قال فى فيلم قصة حب – احنا مش فى تاكسى يا على - . الغريب ان كلما ذات صوت المحركات ذات الضحكات وشخير النائم بجوارى لكن الجديد أن من على يمينى عنده رهبة الإقلاع بالطائرة، وظل ممسكا بمسند الكرسى ويزيد الضغط عليه كلما ارتفعت الطائرة ويهمهم بكلمات غير مفهومة على الأقل بالنسبة لى.ضحكت فى داخلى على سخرية الموقف الذى دائما ما يكون غير اعتيادى فى أماكن عادية.
استمتعت بأول تحليق لى خارج ارض مصر وبالظروف العكسية المحيطة بى.
دائما يأتى بعد العبور - الغزوات والفتوحات فى بلاد الإمارات.
ألقاكم سعداء فى تفاصيل الغزوات والإصابات فانتظرونا فنحن قادمون
ملحوظة :- مش عارف نحن مين بس إشطة شغال
ملحوظة تانية :- خلاص مش عارف هكتب امتى وارفع على النت امتى فعادى بقى وتصبحو على خير.


الجمعة، أغسطس 03، 2007

الجانب الآخر

رافقت الكثير من اصدقائى واقربائى الى نقطة العبور للجانب الآخر. ودعتهم والحزن فى قلبى لا مقدار له، فلا اصعب من فراق إنسان لن تراه عينك ، ولن تسمعه إذنيك ولن تلمسه يداك. أراهم يعبرون أمامى وبكاء من حولى يدفعنى للبكاء مثلهم لكن ترفض الدموع و لا أستطيع.
ظلت أسئلة فى رأسى فترات كبيرة، ماذا خلف الجانب الآخر ؟ ما الذى ينتظر هؤلاء العابرون الى الجانب الآخر؟ ما الذى رأوه ولا أستطيع ان أراه مثلهم؟متى سأعبر الى الجانب الآجر ؟
مجرد التفكير فى العبور - بغض النظر عما وراء هذا العبور- كانت تسرى فى جسدى قشعريرة لم أفهمها بعد. الشعور بأن عملى فى هذا الجانب هو المؤثر على طريقة وجودى فى الجانب الآخر، خوفى من اكون وحيدا على الجانب الآخر لوقت لا يعلمه إلا الله كانت تمزق قلبى.
حين يأتى الأمل فى ان يكون شواهد السمع حقيقة فهذا قمة الضعف. سمعت ان من يعبر الى الجانب الآخر يشعر به أهله واحبائه، قد يأتى إليهم فى الأحلام فى الأماكن التى اعتادو الذهاب إليها. لكن أيمكن ان يخفف هذا عنى وعنهم؟
أمواج متلاطمة من الأسئلة لا نهاية لها، تنتهى على شاطئ تفكيرى فتحوله الى جحيم من صارعات الاجابات المنطقية والغير منطقية.
وأخيرا توكلت على الله وقررت ان اعبر الجانب الآخر لأرى بنفسى، لأقطع الشك باليقين فيما يقولون وفيما اسمع وفيما يعتقدون. قريباً جدا سأعبر الى الجانب الآخر، وأصعد الى السماء ناظراً الى اهلى واصدقائى واحبائى من نافذة صغيرة، لا أتبين منها شكل هؤلاء العالقين فى قلبى، لكنى أرى من هذا الارتفاع امل فى ان يكون الجانب الآخر افضل من هذا الجانب الذى خرجت منه. وليصبح الرجوع عودة الروح من الجانب الآخر.


الجمعة، يوليو 13، 2007

آيه الجديد

كام واحد عراقى وفلسطينى ولبنانى المهم انه عربى بيموت كل يوم. آيه الجديد
رغيف الفينو بقى بـ 35 قرش. آيه الجديد
المواصلات بقت تزهق والناس مش طايقة بعضها. آيه الجديد
كام طريق اتعمل فيه إصلاحات ولسه بايظ. آيه الجديد
إعلان نتيجة الثانوية العامة وكله محصل بعضه. آيه الجديد
ناس فى قرى ريفيه تتمنى الاعتقال وتشرب مياة صحيه بدل المياة اللى عندهم وماحدش سأل فيهم. آيه الجديد
طفلة عندها 11 سنة تغتصب فى عز الظهر وتخلف بنت. آيه الجديد
سعر المتر فى منطقة شعبيه غرب القاهرة يرتفع من 800 الى 2100 جنية فى سنة. آيه الجديد
الشقق فى إسكان الشباب فى المناطق الصحراوية تصل الى 200 ألف جنية. آيه الجديد
مصر تحتل المرتبة الأولى فى مبيعات عربيات المرسيدس على مستوى الشرق الأوسط. آيه الجديد
75% من شعب مصر تحت خط الفقر العالمى ( 1500 جنية شهرياً للفرد ) . آيه الجديد
فرص عمل لألاف الشباب حقيقة بمرتب 400 جنية فى الشهر. آيه الجديد
ملاين الجنيهات سنوياً يدفعها المصريون على خدمة الرسائل القصيرة فقط. آيه الجديد
أعلان لشركة بمدخل معرض للكمبيوتر للشاشة 21 بوصة مستعملة بـ 300 جنية، تصل لآخر المعرض تجد نفس الشاشة بإعلان آخر بـ 125 جنية. آيه الجديد
إعلان لبيتزا هات باللغتين العربية والإنجليزية على ماوس باد مكتوب فيه :
بالإنجليزى : تشعر بالجوع ، لديك الكثير من الأعمال، لا تجد الوقت للنزول. اتصل بنا ونأتى إليك
بالعربية : جعان ، مكسل مش عايز تنزل . اتصل بينا نجيلك لحد البيت. آيه الجديد
يجيلك إنترنت على فاتورة التليفون وانت ماعندكش كارت فاكس أصلا. آيه الجديد
ماتعرفش تمضى ورقه من موظف حكومى من غير الشاى بتاعه. آيه الجديد
عبده حلاقوله قال ، لو لم اكن مصريا لصليت ركعتين شكر لله. وآيه الجديد.


الجمعة، يونيو 29، 2007

الغضب

بسم الله الرحمن الرحيم " الَّذِينَ يُنْفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنْ النَّاسِ وَاللَّهُ يُحِبُّ الْمُحْسِنِينَ " صدق الله العظيم
عن معاذ بن أنس رضي الله عنه ان النبي صلى الله عليه وسلم قال " من كظم غيظاً وهو قادر على أن ينفذه دعاه الله سبحانه وتعالى على رؤوس الخلائق يوم القيامة حتى يخيره من الحور العين ما شاء" صدق رسول الله صلى الله عليه وسلم. رواه أبو داود والترمذي
" أن يغضب أى إنسان، فهذا أمر سهل ... لكن أن تغضب من الشخص المناسب، وفى الوقت المناسب، وللهدف المناسب، وبالأسلوب المناسب ... فليس هذا بالأمر السهل ... "
من كتاب أرسطو " الأخلاق إلى نيقوماخوس "
الغضب .. قوة .. ضعف .. إيمان .. كفر .. بناء .. هدم .. راحة .. عذاب .. أبيض .. أسود .. جنة .. نار.
جوايا غضب كبير من حاجات كتير، وإنشاء الله قريب جدا هستخدم غضبى لصنع سلم لتجاوزه . .
أشوفكم على خير قريب.


الجمعة، يونيو 22، 2007

رثاء

I never saw a wild thing sorry for itself. A small bird will drop frozen dead from a bough, without ever having felt sorry for itself
D.H. Lawrence


لا أستطيع ان أشعر بالآسى على حالى. يسقط الطائر الصغير من على الغصن ميتاً متجمداً، بدون اى شعور بالآسى على حاله.
عايش منصور


الجمعة، يونيو 15، 2007

آخر السطر

يعيش الانسان على الذكرى
والذكرى فكرة
والفكرة حكمة
والحكمة تجلب الصمت
والصمت ابلغ الكلام
والكلام يستوجب الرد
والرد على مستوى الحديث
والحديث لمن يعيش
ويعيش الانسان على الذكرى
نقطة ومن اول السطر
صحيح العلم نورن لكن احيانا كتير الجهل نعمتن ، الصح صح والغلط غلط . بس لما تتعمل حاجه غلط علشان نوصل لحاجة صح بنفكر كتير المحصلة صح ولا غلط ؟
لما حد يغش علشان ينجح ، او لما حد يدفع رشوة علشان يخلص ورق ، او لما يقفل إيميل حد علشان ما يقرأش رساله وصلته غلط، او انه يكسر إشارة علشان ينقذ حياة شخص، او انه يتصنت على تليفون حد علشان يطمئن عليه ، او انه يسرق علشان يسدد ديون اكل وشرب اسرته، او الاب يقسو على اولاده علشان يربيهم، او نكذب على نقصر الطريق فى اننا نفهم حد حاجه... حاجات كتير جدا غلط بتتعمل علشان حاجه صح مهما اختلفت نسبتها .
هل الغاية تبرر الوسيلة مهما كانت ؟ هل اللى بيعمل كده بيبقى ضميره مرتاح ؟ ولا بيكون شايف ان مافيش سكة تانية غير كده علشان يوصل للى عايزه، وبياخد ده مبرر أخلاقى على الاقل انه يعمل الحاجات الغلط.
ده عيب فى مين ؟ الناس ولا فى الظروف ولا فى النظام ولا الاخلاقيات اللى بقت دقه قديمة وموضه راحت عليها؟!
الذكرى فكرة
والفكرة حكمة
والحكمة من عند الله
نقطة و آخر السطر.


الجمعة، يونيو 08، 2007

جوادى..نَفسى

صحيح لكل جواد كبوة ، بس لكل كبوة فارس على جواد ليتخطاها.
جميل قوى الحصان . مثابر على هدفه، قوى فى عزمة ، شديد فى تصميمه ، بيجرى لآخر السباق.
بس كتير بيجرى لمجد مش ليه، كتير بيتعب علشان حد تانى يكسب، كتير بيعطى علشان قليل ياخد.
ما بيشتكيش، ما بيلعنش اليوم اللى جرى فيه، ما بيقولش وانا مالى، ما بيزهقش ويرمى صحبه من عليه، ما بيردش للى راكبه الألم اللى بيسببهوله، بالعكس بيكتم جواه احزانه ومشاعره وبيحولهم لطاقة مهولة لقدام، والنتيجه انه لما يبطل يعطى بيضرب بالرصاص بإسم الرحمة.
إهدئى يا نفسى فقريبا ستأتيكى الرحمة مهما كانت مؤلمة.

الجمعة، يونيو 01، 2007

من مواقف أنيس منصور

‏‏*‏ أخطر الأكاذيب التي هي الأقرب إلي الحقيقة‏!‏
‏*‏ هو يحاول أن يجعلها مثل أمه‏,‏ وهي تحاول أن تجعله مثل والدها ـ ويفشلان‏!‏
‏*‏ عندما يفشل الزواج فهناك سببان‏:‏ هي وأمها‏!‏
‏*‏ من يتزوج امرأة لجمالها كالذي يشتري بيتا بسبب ما فيه من لوحات فنية‏!‏
‏*‏ الرجل يتزوج لأنه زهق من الأكل في المطاعم ومن المكوجي ـ وهي نفس أسباب الطلاق أيضا‏!‏
‏*‏ الزواج الناجح ليس فقط أن تجد الشخص المناسب‏..‏ وانما أن تكون أنت الشخص المناسب‏!‏
‏*‏ لن تجد وسيلة أسرع وأقوي من الزواج لإفساد كل أحلامك السعيدة‏!‏
‏*‏ أول درس يتعلمه الأزواج هو الصمت الطويل‏!‏
‏*‏ قبل الزواج‏:‏ أنت وأنا‏..‏ وبعد الزواج‏:‏ أنا وأنت‏..‏ وبعد ذلك لا أنا ولا أنت‏!‏
‏*‏ الضحك‏:‏ أحسن دواء حتي ولو لم يكن هناك مرض‏!‏
‏*‏ إذا كان من رأيك أنه لا شيء مستحيل‏,‏ فحاول أن تتثاءب مطبق الشفتين‏!‏
‏*‏ ينجح السياسي إذا كانت زوجته جميلة وغنية‏!‏
‏*‏ الشياطين كلها من الذكور‏..‏ فليست في حاجة إلي الأنثي‏!‏
‏*‏ في الحب‏:‏ ندوس المشاكل‏..‏ في الزواج تدوسنا المشاكل‏!‏
‏*‏ الدولة ليست جادة في محاربة الفساد مادام اللصوص أحياء يرزقون أكثر‏!‏
‏*‏ السياسة‏:‏ فساد منتظم‏!‏
‏*‏ لا تنس هذه القاعدة الذهبية الماسية في زماننا‏:‏ حيث لا قانون فالعلاقات الشخصية أقوي من القانون‏!‏
‏*‏ آخر خبر‏:‏ لم يعد اللصوص يخجلون مما يرونه في المرآة‏!‏
* الفنان الصغير له وطن‏..‏ الفنان العظيم لا وطن له‏!.‏
* المخدرات لا تغزونا‏..‏ نحن الذين نستدرجها‏!‏
* اللص الصغير له السجون‏..‏ اللص الكبير له القصور‏!.‏
* ليس بين المحبين‏:‏ دستور ولا قانون‏!‏
* التعليم قد لا يجعلك زعيما‏,‏ ولكن يجعلك قادرا علي اختيار الزعيم‏!.‏
* الحياة الزوجية مثل أحداث التاريخ مملة إذا لم تدخلها الأكاذيب‏!‏
* إذا قرر الأعزب أن يتزوج‏,‏ فهذا آخر قرار في حياته‏!‏
* لو كان القمار ممنوعا لابتعد الناس عن قيادة السيارات والزواج‏!.‏
* الزمن يباعد بين الناس‏..‏ وكذلك المال والزواج‏!‏
* أسكره الحب‏..‏ أيقظه الزواج‏!‏
* القبلة هي ما يحاول الرجل أن يحصل عليه قبل الزواج‏,‏ وتحاول المرأة أن تحصل عليه بعد الزواج‏!.‏
* أصعب سنوات الحياة الزوجية هي التي تجيء بعد الزفاف مباشرة‏!.‏
* أسهل جدا أن تتزوج من أن تظل متزوجا‏!‏
* يتم الزواج عندما يلتقي رجل بإمرأة تفهمه‏..‏ والطلاق أيضا‏!.‏
* هناك سببان لفشل أي زواج‏:‏ هي وأمها‏!‏
* المرأة بعد الزواج تأخذ اسم زوجها‏,‏ وكل ما يملك أيضا‏!‏
* الرجل الذي ترك البيت ليس مهاجرا‏,‏ وانما هو لاجئ إلي آخرين‏!‏
* الأعزب هو الرجل الذي إذا اقترب من شاطئ الحياة الزوجية أصيب بدوار البحر‏!.‏
* المرأة لا تنسي متي كان أول لقاء‏,‏ والرجل يحاول أن ينسي ذلك اليوم‏!.‏
* الأعزب هو الذي يميل ويميل نحو المرأة‏,‏ ولكن لا يفقد توازنه‏!‏
* لكي تعرفي ماضي زوجك فإما عن طريق الأشعة أو زوجته السابقة‏!.
* السياسة نوعان‏:‏ واحد ينمو والثاني ينتفخ‏!.‏
* شيء غريب‏:‏ إذا فتحت القبر علي امرأة ماتت سوف تجد أن لسانها لايزال يتحرك‏!.‏
* في الحب ندوس المشاكل‏..‏ في الزواج تدوسنا‏!‏
* ابن عم الغرور‏:‏ الكذب‏!‏
* يطول عمرك إذا نقص وزنك‏!‏
* سهل ان تتزوج‏.‏ صعب أن تحب‏.‏ مستحيل ان تفهم المرأة‏!‏
* سألوه قبل إعدامه فقال أطلقها‏.‏ فقالوا له أنت لست متزوجا قال‏:‏ أتزوج وأطلق‏!‏
* يدخل الجنة كل من تزوج مرة‏,‏ يدخل النار كل من تزوج مرتين ــ لانه لم يتعلم من التجربة الأولي‏!‏
* اجمل ايام الزوجية‏..‏ قبل الزواج وبعد الهروب منه‏!‏
* نحن لم نعد نحب لأننا كبرنا‏,‏ بل نحن كبرنا لأننا لم نعد نحب‏!‏
* أن أضيع لحظة من حياتي‏,‏ لا ان تضيع حياتي في لحظة‏!‏
* ليس في اللسان قطعة عظام واحدة‏,‏ ولكنه قادر علي تحطيم كل العظام‏!‏
* من احب ومات فهو شهيد‏.‏ من تزوج ومات فهو يستحق هذه العقوبة‏!‏
* شهر العسل هو الشهر الذي يتأكد فيه العروسان أن الحياة قبل ذلك كانت أفضل‏!‏
* الحانوتي يدفن ماضينا‏,‏ والمأذون يدفن مستقبلنا‏!‏
* قبل الزواج كانت يدها في يدي‏,‏ بعد الزواج يدها في جيبي‏!‏
* لم يكذب علي زوجته من قال لها‏:‏ أحب حماتك ولا أحب حماتي‏!‏
* عندما يفتح الرجل باب السيارة لزوجته فاما ان السيارة جديدة أو زوجته‏!‏
* لسعادتك معه يجب ان تحبيه كثيرا وتفهميه قليلا‏,‏ ولسعادتك معها يجب أن تحبها كثيرا والا تحاول فهمها إطلاقا‏!‏
* الزواج أن تعطي وتأخذ‏..‏ أنت تعطي وهي تأخذ‏!‏
* الزواج صفقة نحن نقوم بدفع أقساطها حتي الموت‏!‏
* في زماننا‏:‏ أن تعيش هذا ترف‏,‏ أن تسرق هذه ضرورة‏!‏
* الاعزب حجر متحرك لاينبت عليه العشب‏!‏
* حقيقة‏:‏ كل من يطلب نصيحتك ليس متزوجا‏!‏
* لزوج الذي يتباهي بأنه لم يخطيء قط‏,‏ له زوجة لم تفعل مثله‏!‏
* الاعزب قمصانه بلا زراير‏,‏ والمتزوج زرايره بلا قمصان‏!‏
* في كل دقيقة غضب تفقد ستين ثانية من السعادة‏!.‏
* يصبح القلب سعيدا اذا كان يدق لغيرك‏!.‏
* هناك مائة طريقة كي لا تدخلها‏,‏ فاذا دخلت فلا خروج‏,‏ التعاسة الزوجية‏!.‏
* شخص واحد في تاريخ البشرية استحال الاستغناء عنه‏:‏ أبونا آدم‏!.‏
* إذا استطاع رجل أن يسكت زوجته‏..‏ فهذا انجاز عظيم‏!.‏
* الذي يقول انه‏(‏ سي السيد‏),‏ لابد أنه يكذب في أشياء اخري كثيرة‏!.‏
* زواج من أول نظرة يؤدي إلي طلاق من أول غلطة‏!.‏
* عندما تقول المرأة ان صبرها علي زوجها بلا حدود‏,‏ فقد تجاوزت الحدود‏!.‏
* يجب ان تحب جارك‏..‏ لا زوجته‏!‏
* الحب والشيخوخة‏:‏ لا يمكن اخفاؤهما‏!.‏
* لابد ان تجد شخصا واحدا يحبك‏..‏ حتي لو كنت أنت هذا الشخص‏!.‏
* العطاء ممكن بلا حب‏,‏ والحب مستحيل بلا عطاء‏!.‏
* فى أمريكا كما في الحياة الزوجية‏:‏ تستطيع ان تقول دون ان يستمع إليك أحد‏!.‏
* الذين رفضوا الزواج لهم فلسفة‏:‏ أن يموتوا أغنياء لا أن يعيشوا فقراء‏!.‏
* انا لا أكذب‏:‏ هذه أكذوبة‏!.‏
* أثقل أعباء الحياة الزوجية أن تجعلها بلا أعباء‏!.‏
* ان تعيش في ماضيك‏:‏ هذا أرخص‏!.‏
* عندما أحببتها خدعتها وعندما تزوجتها خدعتني‏!.‏
* الحظ يتخلي عن الذين يعتمدون عليه‏!.‏
* شهر العسل هو‏:‏ الحب بالإكراه‏!.‏
* عند عقد الزواج‏..‏ رجل واحد يضحك في سره‏:‏ المأذون‏!.‏
* أكبر دليل علي ان النصائح لا قيمة لها‏:‏ ان الناس مازالوا يتزوجون‏!.‏
* لم يقتل الحب احدا‏,‏ الزواج قتل‏!.‏
* اذا اردت ان تجعل زوجتك تستمع الي كل كلمة تقولها‏:‏ قل ذلك وأنت نائم‏!.‏
* العاشق نائم‏,‏ فاذا تزوج صحا‏!.
*‏ يكون الزوج مخلصا إما لأسباب دينية أوبسبب أولاده ـ ولاتوجد أسباب أخري‏!‏
‏*‏ الزواج والطلاق‏:‏ وجهان لعملة واحدة رديئة‏!‏
‏*‏ الأعزب والذي تزوج مائة مرة كلاهما لايحترمان الحياة الزوجية‏!‏
‏*‏ أسوأ من أعزب لم يتزوج أعزب كان متزوجا‏!‏
‏*‏ عندما تكون الزوجة متدينة‏,‏ يحرص زوجها علي ألا يكون كذلك حتي لايلتقيا في الجنة‏!‏
‏*‏ أشهر أكذوبة‏:‏ شهر العسل‏..‏ فلا هو شهر ولافيه عسل‏!‏
‏*‏ في ليلة الزفاف‏:‏ يشمت المدعوون في العروسين‏,‏ ويحسد العروسان المدعوين‏!‏
‏*‏ بمنتهي الصراحة‏:‏ لايهمني ان تكسب انت وتخسر‏,‏ يهمني أن اكسب أنا‏!‏
‏*‏ أرق وأنعم مخدة تضع عليها رأسك وتنام‏:‏ راحة الضمير‏!‏
‏*‏ في يوم سوف تقول لك زوجتك‏:‏ أنا عملت‏,‏ أنا سويت‏,‏ ولولاي ماكنت شيئا‏..‏ ولن ترد عليها لأنك تستحي‏!‏
‏*‏ الخيال هو الذكاء عندما يلهو‏!‏
‏*‏الصابون للجسم كالدموع للقلب‏!‏
‏*‏ أن تقاوم الشر بالخير‏:‏ خير‏..‏ ان تقاوم الشر بالشر‏:‏ شر‏!‏
‏*‏ الحب ليس أعمي‏..‏إنه يري أكثر‏..‏ ولكي يعيش الحب يجب أن يري أقل‏!‏
‏*‏ يد لاتستطيع أن تقطعها‏,‏ فتقبيلها أسهل‏!‏
‏*‏ المرأة التي تزوجتها هي ضحية نساء أخريات‏!‏
‏*‏ من الصعب أن تحب المرأة العاملة‏,‏ لا لأنها تعمل‏,‏ ولكن لأنها لم تعد امرأة ولا رجلا‏!‏
‏*‏ الناس يبالغون في مزايا أمهاتهم‏,‏ لأنهم يريدون إغاظة زوجاتهم‏!‏
‏*‏ عندما يدرك أحد الأبناء أن والده كان علي حق‏,‏ يكون عنده ابن يؤمن بأنه هو ليس علي حق‏!‏
‏نصف الازواج لايفهمون الزوجات ونصف الزوجات لايفهمن الازواج ــ ولايهم أين موقعك‏!‏
‏*‏ ساعد من كان في حاجة اليك سوف يتذكرك عندما تكون انت في مشكلة ــ ولن يفعل ولن يفعل شيئا‏!‏
‏*‏ المخلصون والامناء والاوفياء والشرفاء لايقدرهم أحد في هذا الزمان ــ وهذه عقوبة يستحقونها‏!‏
‏*‏ ليست الاشياء هي التي تبعث علي الاسف‏,‏ وانما الناس‏!‏
‏*‏ هناك ثلاثة طرق لانجاز أي عمل‏:‏ ان تنجزه او تستأجر احدا لينجزه‏,‏ وألا تعطيه لزوجتك‏!‏
‏*‏ ليس عيبا ان تكون مالكا لثروة‏,‏ العيب ان تكون مملوكا لها‏!‏
‏*‏ مأساة‏:‏ ان تموت قلوب الناس وهم أحياء‏!‏
‏*‏ المرأة التي تري ان احدا لايستحقها‏,‏ سوف تبقي بلا زواج زمنا طويلا‏!‏
‏*‏ انت تعطي كل شيء لأولادك‏,‏ مع انهم لم يعطوك شيئا ــ ولن يفعلوا‏!‏
‏*‏احرص علي الفكرة ستكون كلمة‏,‏ وعلي الكلمة ستكون فعلا‏,‏ وعلي الفعل سيكون عادة‏,‏ والعادة ستكون سلوكا‏,‏ وعلي السلوك سيكون قدرا‏!‏
‏*‏ أنت تعجب بها اذا رأيتها‏,‏ وتحبها اذا عرفتها‏,‏ وتتزوجها اذا عرفتها اكثر‏,‏ وتندم اذا عرفتها اكثر واكثر‏!‏
‏*‏محظوظة المرأة لانها لاتتزوج امرأة أخري‏!‏
‏*‏ قبل الزواج كانت عنده عشرون نظرية ليكون سعيدا‏,‏ بعد الزواج لانظر ولانظرية‏!‏
‏*‏لاتعط سرك لاحد‏,‏ والا صرت عبدا له‏!‏
‏*‏ النساء‏:‏ كلاب وقطط‏..‏ الكلب اذا قفز الي سريرك فلانه يحبك‏,‏ والقط اذا قفز الي سريرك فلانه يحب السرير‏!‏
‏*‏ انت تسمع المرأة ولاتراها‏,‏ وهي تراك ولاتسمعك‏!‏
‏*‏ يظل الانسان يقاوم الحب حتي يقع فيه‏,‏ ويقاوم الزواج حتي يقع في زواج آخر‏!‏
‏*‏انت لاتحب بعقلك‏,‏ ولا تكره بقلبك‏,‏ ولكن تتزوج بالاثنين‏!‏
‏*‏ اذا قال لك الطبيب وليس عسكري المرور‏:‏ علي مهلك فمعني ذلك انك تقدمت في السن‏!‏
‏*‏ ان تكون أسدا يوما‏,‏ افضل من ان تكون كلبا الف يوم‏!‏
‏*‏ خائن مرة‏,‏ خائن أبدا‏!‏
‏*‏ اذا كنت تستطيع حل مشاكلك فلماذا أنت حزين‏.‏ واذا استحال عليك ذلك فلماذا أنت حزين‏!‏
‏*‏ من ينتقد الناس دائما فلن يجد وقتا لكي يحب احدا‏!‏
‏*‏ اذا أردت يدا تساعدك‏,‏ فهي موجودة عند نهاية ذراعيك‏!‏
*‏ السعداء ليست لهم حكايات‏-‏ التعساء فقط‏!‏
‏*‏ اعلي الأصوات في السماء‏:‏ دقات قلب يحب‏!‏
‏*‏ اللهم ابعد عني كلمة‏(‏ أحبك‏)‏ حتي أعرف معناها بالضبط‏!‏
‏*‏ المصيبة ليست أنك تتزوج صغيرا‏,‏ وإنما أن يطول زواجك وتكتشف انك لا أحببت ولا عشت‏,‏ ولا كان ذلك ضروريا‏!‏
‏*‏تستطيع أن تقاوم جيشا‏,‏ ولا تستطيع أن تقاوم فكرة جاءت في موعدها‏!‏
‏*‏ إذا أنت رأيت حياتك بوضوح‏,‏ فاجعلها تستحق النظر إليها‏!‏
‏*‏ اسوأ مافي امتناعك عن الاشتغال بالسياسة أن يتحكم فيك من هم دونك كثيرا‏!‏
‏*‏ من كان مع الله فهو مع الأغلبية‏!‏
‏*‏ العقل جهاز عجيب يعمل دائما‏,‏ ولايتوقف الا عندما تعود الي البيت‏!‏
‏*‏ كل الزوجات محفوظات وليس كل الازواج‏!‏
‏*‏ وراء كل امرأة ناجحة رجل لايصدق مايري‏!‏
‏*‏ لماذا تنهال عليك النصائح بعد ان تكون قد تزوجت؟‏!‏
‏*‏ هناك أربعة أنواع من الناس‏:‏ الذين يحبون‏,‏ والذين يتفرجون والذين يندهشون ثم الذين لايحبون لانهم قد تزوجوا‏!‏
‏*‏ في زماننا قاعدتان للنجاح‏:‏ ان تطبق عينيك وتسد اذنيك‏..‏ والا تخبر احدا بما تعرف‏!‏
‏*‏ هناك استثناء في كل قاعدة‏..‏ معظم الناس يرون انهم هذا الاستثناء‏!‏
‏*‏ لاتفسد حاضرك حزنا علي ماضيك‏!‏
‏*‏ أتعس سرير‏:‏ هو الذي يشاركك فيه احد‏!‏
‏*‏ قد لاتكون قادرا علي مقاومة الظلم‏,‏ ولكن يجب ان تكون قادرا علي الاحتجاج علي ذلك‏!‏
‏*‏جسور النجاح‏:‏ تحت الانشاء دائما‏!‏
‏*‏ صعب أن تفهم ماذا يريد العرب‏,‏ صعب جدا ان تفهم ماذا تريد المرأة‏!‏
‏*‏ليست المأساة ألا يتحقق لك هدف‏,‏ المأساة ألا يكون لك هدف‏!‏
‏*‏يجب ان تفكر كرجل عملي‏,‏ وان تعمل كرجل مفكر‏!‏
‏*‏نحن نؤمن بالصداقة وبالحب وبالإخلاص والوفاء‏,‏ لأنه لابد لنا من أوهام نعيش عليها‏!
*‏مغرور جدا من يقول إنه قد فهم المرأة‏!.‏
‏*‏ حقوق الرجل لا أكثر‏,‏ وحقوق المرأة لا أقل‏!.‏
‏*‏ كل علاقة بين رجل وإمرأة فاشلة ـ هذا قانون‏!.‏
‏*‏ كل فتاة تحاول أن تكون مثل أمهاـ وهذه مأساة‏!.‏
‏*‏ المعدة الخاوية ليس لها عقل‏!.‏
‏*‏ محاربة الجوع هي أعظم حركات التحرير‏!.‏
‏*‏ يطول عمرها إذا قصر فستانها‏!.‏
‏*‏ ما تريده المرأة هو بالضبط ما يريده الرجل‏:‏ الاحترام‏!.‏
‏*‏ الدبلوماسي‏:‏ رجل لا يستطيع ان يكون صادقا مع نفسه ولا مع غيره‏!.‏
‏*‏ أنت سياسي‏:‏ إذن أنت لا ترفض أي شئ‏!.‏
‏*‏ حكومة الشعب بالشعب لمصلحة اعضاء البرلمان‏!.‏
‏*‏ الإنسان يجب أن يكون قويا‏,‏ لا ان نجعله كذلك‏!.‏
* الدولة لا تبيعك ولا تشتريك‏..‏ تخدعك فقط‏!.‏
‏*‏نحن نهمس الي الطفلة بالفرنسية وإلي الفتاة بالإيطالية وإلي الزوجة بالإنجليزية والي حماتك بالألمانية‏..‏ وإلي الله بالعربية ليخلصك من كل هؤلاء‏!.‏
‏*‏ المرأة كالقهوة‏..‏ أفضلها الدافئة الطازجة‏!.‏
‏*‏ تحرير المرأة معناه‏:‏ ان تترك زوجها وتقتل اطفالها‏!.‏
‏*‏ ليس بالقلب وحده تنجح الحياة الزوجية ـ ولا بالعقل‏!.‏
‏*‏ ولدت المرأة لتكون أنثي جميلة‏,‏ ولكنها اليوم تفضل ان تكون رجلا قبيحا‏!.‏
‏*‏ هل يمشي اثنان معا دون اتفاق بينهما؟‏!.‏
‏*‏ السياسة ليست سوقا للقيم الأخلاقية ولكنها سوبر ماركت للمصالح الشخصية‏!.‏
‏*‏ ان تخلص المرأة ليس سببا كافيا لأن تكون سعيدة‏!.‏
* انظر إلي أمها وبعد ذلك عليك أن تقرر أن تتزوجها أو تصرف نظرا‏!‏
‏*‏ المرأة الدميمة مغص لمعدتك والجميلة صداع لرأسك‏!‏
‏*‏ ساعة واحدة تكفي الشيطان ليخدع عشرة رجال‏..‏ ساعة واحدة للمرأة تكفي لتخدع عشرة شياطين‏!‏
‏*‏ يابخته‏..‏ لقد استجاب الله لدعاء والديه فلم يتزوج‏!‏
‏*‏ لا شيء يدل علي سذاجتك إلا انتظارك لأن يشكرك أحد علي أي شيء‏!‏
‏*‏ سعيد جدا‏:‏ كل من عنده قناعة في العلم ومناعة من الحب‏!‏
‏*‏ منتهي التعاسة أن تحبك وتتركك‏!‏
‏*‏ أمان واطمئنان وثقة وأمل وألم‏:‏ الحب‏!‏
‏*‏ كل حكاية‏:‏ حكاية حب‏!‏
‏*‏ أن تحب أملا في الزواج‏:‏ غباوة‏..‏ أن تتزوج أملا في الحب‏:‏ منتهي الغباوة‏!‏
‏*‏ الحب من عند الله والكراهية من عندنا‏!‏
‏*‏ وحدي وحدي‏:‏ فلا حب في قلب ولا أمل في رأس ولا دمعة في عين‏!‏
‏*‏ أقسي من حب بلا جنس‏,‏ جنس بلا حب‏!‏
‏*‏ من يطلب إلي المحبين أن يعتدلوا يقتلهم‏!‏
‏*‏ من يحب ينظر في التلسكوب‏,‏ من يكره ينظر في الميكروسكوب‏!‏
‏*‏ أعظم جراحة تجميل‏:‏ الحب‏!‏
‏*‏ الرجل ينسي ولا يسامح‏,‏ والمرأة تسامح ولا تنسي‏!‏
‏*‏ المرأة دخلت عالم الرجل بملابس الحداد ـ ولا تثير شفقة أحد‏!‏
‏*‏ المغامرة الوحيدة في حياة الرجل الجبان‏:‏ الزواج‏!‏
‏*‏ الفيلسوف رجل مغفل قد عذب نفسه ليتحدث عنه الناس بعد وفاته‏!‏
‏*‏ السياسي‏:‏ رجل يهز يدك قبل الانتخابات ويهز ثقتك بعد الانتخابات‏!‏
‏* الحياة كالسيارة‏:‏ انظر في نافذتها الأمامية‏,‏ لافي مرآتها الخلفية‏!‏
‏*‏ انظر وراءك بامتنان‏,‏ وأمامك في أمل‏,‏ وفوقك في قوة‏,‏ وفي داخلك في سلام‏!‏
‏*‏ يبدأ الحب بالابتسام ويمضي بالقبلات‏..‏ وينتهي بالدموع‏!‏
‏*‏ المحبون لايفتحون عيونهم وآذانهم إلا بعد الزواج ـ أي بعد فوات الأوان‏!‏
‏*‏ الحب‏:‏ أن تري شخصا عاديا كامل الأوصاف‏..‏ والزواج أن تري شخصا كامل الأوصاف‏,‏ عاديا‏!‏
‏*‏ الحب‏:‏ رغبة لاتقاوم في أن تكون مرغوبا بلا مقاومة‏!‏
‏*‏ العاشق لايريد أن ينام لأن الواقع أروع من الأحلام‏!‏
‏*‏ المحب ليس أعمي‏,‏ ولكن عنده عمي ألوان‏!‏
‏*‏ بعض الناس يظن أنه يشتري اللذة بفلوسه‏,‏ والحقيقة أنه يبيع نفسه لها‏!‏
‏*‏ اثنان من تجار الأحذية ذهبا الي أواسط إفريقيا‏.‏ فواحد قال‏:‏ لاعيش لنا هنا لأنهم حفاة‏..‏ وواحد قال‏:‏ بل هم يحتاجون الي أحذية‏!‏
‏*‏ المشاكل الزوجية ليس معناها أنك في حاجة الي زوجة جديدة وإنما الي نظرة جديدة‏!‏
‏*‏ نبدد صحتنا من أجل الحصول علي الفلوس‏,‏ ونفرتك فلوسنا من أجل اكتساب الصحة‏!‏
‏*‏ الرجل يريد أن يكون أول واحد في حياتها‏,‏ والمرأة تريد أن تكون آخر واحدة في حياته ـ وكلاهما يكذب‏!‏
‏*‏ العقل كالبارشوت لايعمل إلا إذا انفتح‏!‏
‏*‏ المال يلمع‏,‏ والجمال يشع‏,‏ والذكاء يضيء‏:‏ والزواج يخمد كل شيء‏!‏
‏*‏ بفلوسك تستطيع أن تشتري أجمل كلب‏,‏ وبفلوسك لاتستطيع أن تجعله يهز ذيله‏!‏
‏*‏سألوا طفلة ما الذي يفعله بابا قالت يطيع أوامر ماما‏!‏
‏*‏ نوعان من الناس‏:‏ واحد يعمل والثاني يتلقي الشكر علي ذلك‏!‏
‏*‏ مشكلتك الكبري أنك تصدق ماتقوله لنفسك عن نفسك‏!‏
‏*‏ المرأة تشتري ما لا تحتاج بفلوس ليست لها‏,‏ لتلفت نظر من لايهمه أرها‏ !

الجمعة، مايو 25، 2007

أكيد فى مصر

كالعادة وبكل سعادة سألت ناس عن الحل، وقالو نظريات جامدة جداً..
* الفلوس :-
ما هو انا لو معايا فلوس كتير ماكنش هيبقى فى مشاكل، اشترى فيلا كبيرة واقعد فيها انا وعيلتى، وافتح شركة اروح اقعد فيها تلات اربع ساعات بالكتير فى اليوم، وأروح اقعد مع عيلتى ، وأولادى وأستمتع بحياتى، وهتيجى منين المشاكل وانا معايا فلوس. لو سايق عربيتى وحد فكر يسحب الرخصة هجيبها بفلوسى، لو روحت اى مكان هبقى محترم فيه غصب عن عين التخين بفلوسى. هبقى مطمئن من بكرة ومش خايف من اللى ممكن يحصل فيه علشان هكون مسنود من فلوسى.
* السُلطة :-
يا عم انا لو ظابط شرطة او عضو مجلس شعب، آيه هيخلينى اقلق من اى حاجه ولا يبقى عندى مشاكل من اى نوع. اعمل اللى انا عايزة فى الوقت اللى انا عايزة من غير ما اعمل حساب لحد او لأى حاجه ممكن تعكر عليا الحياة.
* صَنعة ( حرفة يدوية ) :-
لما يبقى فى إيدى صنعة فى البلد دى كانت ظبطت الحياة معايا كويس جدا، وحياتى اتروقت على الآخر. واللى اشاور عليها اتجوزها. دكتورة، مهندسة ، مدرسة. انا راجل صنايعيى قد الدنيا واللى معاها قرش بيسوى قرش.
* لاعب كرة قدم :-
كلمة السر للنجاح فى العصر ده هو انك تبقى لاعب كورة، يا سلام كده وانت لاعيب فى الاهلى ولا الزمالك، ولا احسن باشا فى البلد، فلوس وشهرة وسلطة ونغنغه. ماحدش يقولك رايح فين ولا جاى منين ولا بتعمل آيه. حاجه فل.
* الهجرة :-
خلاص مافيش فايدة فى البلد دى، الهجرة هى الحاجه الوحيدة اللى ممكن تنقذنى من اللى انا شايفه فى البلد دى، يا استاذ اللى هعمله هنا فى سنة هعمله هناك فى يوم، وعايش بإحترام مع ناس محترمين، لا بتهان ولا حد بيبصلى فى لقمة عيشى. وكل واحد بياخد حقه هناك.
* المشاريع الناجحة :-
شوف اللى ماشى فى البلد اليومين دول كام مشروع ما بيخسروش ( سنترال ، سوبر ماركت ، تاكسى او ميكروباص ، إنترنت كافية ، محل آكل او فرن ) اى حاجه من دول ما يتخسرش أبدا . هفتح مشروع من دول والحياة تبقى ظباطه.
------------------------------------------------
لما تلاقى الناس كده من حواليك
وتسمع كلامهم والحسرة تملى قلبك وعنيك
وتبص للهرم والكرنك وكل قصر
ابتسم وقول يبقى انا اكيد اكيد فى مصر

الجمعة، مايو 18، 2007

الحل

دائما لكل مشكلة حل
وساعات يكون الحل قريب جدا
وبينك وبينه مجرد باب
ولما تلاقى الباب
كتير بتلاقيه كده


يبقى آيه الحل ؟

الجمعة، مايو 11، 2007

الثقافة

مرة كنت قاعد مع مدونين دماغ وإتسال سؤال لولبى، يعنى آيه إنسان مثقف ؟
وكان فى إجابة من ضمن الإجابات إن المثقف اللى بيعرف حاجات قليلة عن حاجات كتيره.
لو فرضنا ان ده مفهوم الإنسان المثقف، تعالو نشوف حال الشعب المثقف بتاعنا مفهومه آيه عن الثقافة اللى أهم مصادرها عندهم الإعلام، سواء مرئى او مسموع او مقروء.
طبعا المسموع بقى موضه قديمة وما بيقدرش ينقل الصورة كاملة ونسبة تغطيته مش عالية، والمقروء لا سمح الله مش من شيمة العرب الجدد واى محاولة مقارنة بمستوى قرأة المجتمع العربى كله ببلد واحد غربيه او حتى مع اسرائيل هنلاقى كارثة، فيفضل مصدر الثقافة الماتح لمعظم الشعب هو الاعلام المرئى.
الدش وعليك خير بقى طبيعى جدا آلاقى مطرب يطلع قول انا قدوة للشباب ولازم اجدد فى لبسى وإستايلى وطريقة ظهورى علشان الشباب يلاقى مثل يمشى عليه.
ياخى – كلمة قبيحة – عليك وعلى القدوة اللى بتقدمها للشباب.
وتلاقى مطرب تانى طلع لابس شراب فى دماغه تانى يوم الصبح تلاقى البلد كلها شربات وهى مبتسمه وفرحانه انها بتتطور وماشية مع العصر مش متأخرة ولا متخلفة لا سمح الله.
تطلع راقصة قد الدنيا تطلع تقول ان الرقص مش حرام، وانه عمل شريف. وبما ان العمل عبادة فهي كده كإنها بتصلى لما ترقص رقص محترم، لا يثير الغرائز لا سمح الله.
طيب دى يتقالها آيه؟ حتى الكلام القبيح خلى من معنى ممكن وصف الإنسانة – إن جاز وصفها كذلك – دى بيه.
يطلع لاعب كورة جامد يضرب ظابط شرطه او أمين أو حتى عسكرى نفر، طيب على آيه الإحساس انك خارق للعادة ؟ عامل فيها السبع رجالة فى بعض ليه ؟ وتلاقى الناس تهتم جدا بالموضوع ويفضل فى حلقات نقاشهم لمدة طويلة وبإهتمام بالغ، علشان يوصلو سر تفوق اللاعب على المواطن الغلبان فى المطالبة بحق الرد على إساءات الشرطة للمواطنين فى حالة حدوثها.
سيبكم من الناس الوحشة دى كلها، تعالو على البرامج الحوارية اللى بتطلع فى التليفزيون عمال على بطال، يجيبو واحد صاحب رأئى ما ، ويقعدوه مع واحد صاحب رأئى مضاد تماما شكلاً وموضعاً. الطبيعى آيه اللى يحصل لما تحط ديكين من نوع مختلف فى مكان واحد ؟ لازم يتناطحو وتبقى خناقة، الناس تتبسط ان فى حد بيزعق وحد بيرد عليه وشوية وهيمسكو فى بعض. واللى يحصل إقبال جماهيرى والنتيجة إعلانات.
حلو قوى الوصول للإعلانات.. فكرت كتير مين اصلا بيتصل بإعلانات 0900 والحوار ده، مين من السذاجة انه يشارك فى تفاهه من النوع ده؟ وتلاقى الاعلان بيحمل مضمون ثابت. يجيب واحد يائس من حياته ومش عارف يعمل آيه، ويركز قوى انه مش طايق نفسه، وفى الناحية التانية يجيب واحد قاعد فى البيسين حواليه بنات بالبكينى وفى الخلفية بيت فخم، وان الحل علشان توصل من الشخص ده للشخص ده هوا الاتصال على الرقم التالى وانت تكسب وتتظبط فى الحياة.
ولا الاعلان ان علشان يبقى عندك عربية مرسيدس يا إما تتعب ويطلع عين اللى خلفوك وفى الآخر تحصل على العربية او انك بكل بساطة تشترى المنتج ده وهو يجيبلك العربية لحد عندك.
يا سلام بالبساطة دى الحياة مش مستاهلة تعب ولا مجهود، وانت تتعب ليه اصلا وتفكر ليه من الاساس، انت الغى دماغك واتصل وانت مغمض على الرقم وكل مشاكلك تتحل بكل بساطة وسهولة.
فعلا ونعم الثقافة.


الجمعة، مايو 04، 2007

بدون عنوان

البوست اللى فات حاولت أوضح علامة إستفهام عن مستقبل تكنولوجيا المعلومات فى مصر. وتصورى عن الحل ليها.
تعالو بقى نشوف الدنيا بره فيها آيه فى تكنولوجيا المعلومات. وهما شايفين الموضوع إزاى، علشان بدل ما نقول ما نعمل زيهم ونبدأ من حيث بدأو، نتعلم من اللى وصلوله ونكمل عليه.
ممثلين عن شعوب العالم اجتمعو فى جنيف من 10 إلى 12 ديسمبر 2003 علشان يشوفو هيعملو آيه فى الألفية الجديدة وتطبيقات تكنولوجيا المعلومات وطرق الإستفادة منها.
وطبعا وضح جدا انهم فاهمين كويس الدور اللى ممكن تقوم بيه تكنولوجيا المعلومات فى التطوير ، وتوفير فرص متعددة للوظائف والحصول على تنمية مستدامة للمجتمعات.
حتى منظمة الأغذية والزراعة للأمم المتحدة تبنت تطبيقات تكنولوجيا المعلومات فى التنمية المستدامة على مستوى العالم.
وتجربة إدارة تكنولوجيا المعلومات والاتصالات للجنة الأمم المتحدة الإقتصادية والإجتماعية لغربى آسيا اللى شغالة على زيادة الوعي إزاء مساهمة هذه التكنولوجيات في تعزيز التنمية المستدامة، وتمكيِن بلدان الإسكوا من الاندماج في الاقتصاد العالمي.
ما نقدرش نقول ان المجتمع العالمى متجاهل الدول العربية ومش بيحاول يدعمها فى مشاريع التنمية الخاصة بيها. وفى أمثلة على كده سواء من البنك الدولى اللى مول فى مصر بس 130 مشروع تنمية . او من دول المفوضية الاوروبية اللى ليها مشاريع كتير فى مصر من معظم الدول والمنظمات اللى تابعها ليها. بس المشكلة ان كل واحد بيدن لوحدة. مافيش منظومة كلنا بنتحرك على أساسها، ما فيش نظام حكومى او حتى نظام من جمعيات الأهلية الغير حكومية ليها دور فعال فى التنسيق فى المشاريع دى.
أما التنمية فى المجتمع العربى عبر تكنولوجيا المعلومات ما زلت حبر على ورق، وشعارات اكثر منها إنجازات، ومبادئ اكتر منها آلايات عمل محددة.
أهم وأبسط حاجه محتاجاها تكنولوجيا المعلومات هى المعلومة، ومشكلة المعلومة مش فى معرفتها.
لكن مشكلة المعلومة طريقة الإستفادة منها.


الجمعة، أبريل 27، 2007

علامة إستفهام

بدأت صناعة البرمجيات في الهند في منتصف الثمانينات ، وكان لديها في عام 1985 عدد 6800 مختصاً بالبرمجيات ، وخلال 12 سنة استطاعت الهند أن تحقق قفزة في عدد المبرمجين ليصل عام 1997 إلى 160.000 مبرمجاً وفي عام 2000 إلى 340.000 مبرمجاً .
إن حجم الطلب العالمي على المبرمجين يصل إلى مليوني مبرمج في اليابان والولايات المتحدة وفرنسا وألمانيا والمملكة المتحدة ، وتستطيع الهند أن توفر 60.000 مبرمجاً كل عام ، وبذلك يمكن للهند أن تساهم في الاستجابة للطلب العالمي ، بالاستفادة من الخريجين الهنود في الكليات التقنية والمعاهد الخاصة ، وكذلك من خريجي الشركات نفسها حيث أن معظم الشركات الهندية لديها برامج تعليم وتدريب خاص ضمن الشركة.
ده ناتج تجربة الهند فى عشرين سنة، مصر فين من العشرين سنه دول؟
احب أقتبس جزء من تقرير التنمية البشرية الصادر من الأمم المتحدة الذى أشار إلى تدني ترتيب مصر ليحتل الرقم 120 من بين 170 دولة وأوضحت تقارير دولية مختلفة مثل تقرير اليونسكو الصادر عام‏2005,‏ وتقرير التنمية البشرية لعام‏2006‏ الصادر عن برنامج الأمم المتحدة الإنمائي‏,‏ مدي تراجع قدرات مصر العلمية والتكنولوجية‏.‏ فقد تراجعت أوضاع التعليم العالي والتدريب‏,‏ والاستعداد التكنولوجي والابداع العلمي‏.‏ فبالنسبة للاستعداد التكنولوجي احتلت مصر المرتبة‏79,‏ في حين جاءت كل من الامارات وقطر والكويت وتونس والأردن والمغرب في ترتيب أفضل.‏ أما بالنسبة لمؤشر الابداع العلمي,‏ فجاء ترتيب مصر‏82,‏ في حين احتلت كل من تونس والامارات العربية المتحدة وقطر والمغرب والأردن والجزائر مواقع أفضل‏.
الظاهر ان مصر فى خلال العشرين سنه اللى فاتو ماكانتش فاضيه كان عندها غسيل، مش دى المشكلة دلوقتى. المشكلة فى الحل؟
فى إتجاه تقليدى كالعادة ان مصر تدخل سباق البرمجيات فى العالم، ونعمل زى الهند فى عشرين سنة وتقريبا ده بدأ، بس هتفضل مصر متأخرة عشرين سنة لورا لإنهم مش هيقفوا يتفرجوا علينا، ولا هيستنو الفراعنة يشرفوا فى السباق، اللى احنا اصلاً بره ترتيبه ولا بعد عشرين سنة.
طيب ما ممكن نستغل التقدم اللى حصل فى العشرين سنة اللى فاتو ونكمل السبق بدل ما نبدأه من الأول. مش علشان نكسبه، علشان نستفيد منه على الأقل قبل ما يخلص.
بقى واضح للعالم اهميه البرمجيات لإنها روح الكمبيوتر، ومن غيرها يبقى الكمبيوتر مش أكتر من آله حاسبه كبيره.
واحنا بالفعل عندنا مبرمجين على مستوى عالى جدا فى معظم التطبيقات، بس المشكلة الدائمة فى التسويق. فى إستغلال البرامج اللى بتتعمل.
فى رأئى أن الحل مش فى إزاى يبقى عندنا مبرمجين أكتر ولا برامج احسن، لإن ببساطة الشركات العملاقة فرضت سيطرتها على السوق. الحل إزاى نستخدم مجالات الكمبيوتر بشكل عام فى التنمية. مش فى البرمجة بس كل قطاعات الكمبيوتر من برمجيات وشبكات وتصميمات ومواقع للإستفادة منها بشكل مباشر فى التنمية.
يكون الإتجاه فى تحليل النظم سواء فى المجال الإقتصادى والموارد والبشريه او فى مجال التنمية الإجتماعية. وبكدة يبقى فى بلد زى الهند عندها مبرمجين وبرامج ومصر عندها محللين نظم اللى يقدرو يستغلو البرامج دى والتطبيقات دى بشكل اكبر فى اى مكان.
شركات كتير للبرمجة بتنشأ برامج الأول بناء على دراسات وبعدين تشوف إحتياجات السوق من البرنامج دى آيه وتعدل عليه علشان تقدر تبيعه.
والشركات اللى بتعمل برامجة بالطلب بتنتظر الشركات اللى فاهمة انها محتاجه برنامج كمبيوتر علشان تحسن من مستواها. وده للأسف قليل فى منطقتنا العربيه مش مصر بالتحديد.
نقدر نستخدم العيب ده لميزة اننا نقدر ندرس الشركات والقطاعات بشكل موسع وأعمق ونقدم ليهم الحلول المتكاملة، معموله ليهم مخصوص لتناسب طبيعة شغلهم. لما نقدر نعمل ده على شكل كبير هنقدر نزود من إنتاج الحلول فبالتالى التكلفة هتقل للعميل وتزيد للشركات.
إنما نفضل كل جهة مع نفسها تحاول انها تتطور بمفردها ، وتقدم حلول فردية للشركات، هيبقى ما فيش أمل غير اننا هنفضل نلم فتات الموائد، وننتظر السبق يخلص واحنا لسه بنبص تحت رجلينا.
بقالى فترة مش كبيرة ومش كفاية انى اجمع مختلف التخصصات على ترابيزة واحدة، ومش اى حد يبقى موجود. بدور على المتميزين فى كل قطاع. وصدقونى لقيت نماذج كتير على مستوى عالى جدا من الكفأة والخبرة الكافيه انها تحدث تغير وإنها تنتج حلول متميزة جدا لمشاكل كتير فى وسطنا ومجتمعنا وشركاتنا. بس للأسف مشكلتهم زى مشكلتى، التغطية المادية للبدايه، خصوصا فى ظل الإلتزامات وطبيعة الحياة الصعبة اللى بنعشها فى بلدانا. وصعوبة فهم الموضوع للشركات رغم إحتياجها الكامل لحلول من النوع ده.
البوست ده يمكن يتحول فى يوم الى علامة نجاح بدأت من علامة إستفهام.


الجمعة، أبريل 20، 2007

قمة الهرم

كل واحد ليه احلامه وطموحاته مهما كانت كبيرة او صغيرة. مُهمَة بالنسبة للناس او تافهه فى نظرهم. بس المشكلة امتى نحس اننا على قمة الهرم واننا فعلا حققنا اللى احنا عايزينه؟
ساعات الواحد يقف مع نفسه ويفكر هل اللى انا عايزه صح؟ هل ممكن اوصل لقمة الهرم من خلاله؟ وهل التضحيات اللى فى سبيل ده كتير ولا قليل؟ تستحق ولا ما تستحقش ؟ فى النهايه هلاقى لحياتى معنى ولا هتبقى حياة والسلام؟
مليون سؤال ممكن ما يكونلهمش إجابه واضحه ونهائية.
كتير ضغوط الحياة بتخلى الانسان ياخد قرارات ماكنش عامل حسابها ولا كان بيفكر فيها. وساعات الضغوط دى تخلى الشخص ينحرف عن سكته شوية صغيرة. بس مع الوقت الشوية الصغيرة دى تفرق معاه كتير فى البعد عن اللى عايزه وعن اللى وصل إليه. ويبقى مش عارف هل النجاح ده قمة الهرم ولا مهما حقق من نجاح فهوا لسه بعيد عن طريقه وحلمه.
مش دائما بنحصل على اللى عايزينه، بس مش دائما اللى بنحصل عليه سيئ، ولازم نغيره ونرفضه ونتمرد عليه. الاستسلام برضه ليه اوقاته، وليه فوائده فى بعض الاحيان.
لما تبقى بتلعب طاوله مع حد دور من 3 مرات. وتلاقى انك مهزوم مهزوم انسحب وكمل باقى الادوار يمكن تكسب، وما تضعيش وقتك فى الخسارة.

المقطع التقيل اللى فات ده عقلانى جدا وناس كتير بتعمل كده فعلا، وماحدش يقدر يقول انهم غلط او بيفكرو غلط. بس المشكلة فى قمة الهرم انه قبل ما يكتمل مش كتير من اللى شغالين فيه ولا المحيطين بيهم عارفين ده هيطلع آيه! ولا هيبقى شكله آيه وإزاى إلا فى دماغ اللى صممه. وإصرار الشخص ده انه ينفذ اللى هوا شايفه صح للنهايه هوا ده اللى بيخلى قمة الهرم ما ينفعش يتبنى فوقيها تانى. لإنها النهايه وبعدها الراحه من الهرم والاستمتاع بيه وبالمجهود اللى اتعمل علشانه والتضحيات اللى راحت فى سبيل القمة دى.
لما تبقى بتلعب علشان انت بتستمع باللعبه اكتر من مجرد الفوز او الهزيمة هتلاقى نفسك مستحيل تستسلم مهما كان عدد القطع اللى ناقصه علشان تخلص، لإنك عارف ان حتى لو خسرت فإنت ما قصرتش فى حاجه وعملت اللى عليك للنهايه وما استسلمتش وقولت كفايه انا هقف علشان ابدأ تانى من اول وجديد.
طالما فى هدف وفى طريق للهدف ده فمجرد الوصول لنهاية الطريق بغض النظر عن النتيجه ده فى حد ذاته نجاح، ويعلم ان اخيار الطريق من البدايه مهم جدا، لإن لما تختاره هتمشى فيه للآخر مهما حصل، علشان فى النهايه تستريح وتستمتع باللى عملته علشان انت وصلت لقمة الهرم.
تحديث
*(‏ الممكن‏)‏ سأل‏(‏ المستحيل‏)‏ اين تعيش؟ فقال له في احلام الفقراء‏!‏
" مواقف أنيس منصور جريدة الأهرام عدد 43964 ليوم الجمعة 2007 ابريل 20 "


الجمعة، أبريل 06، 2007

يوم اليتيم

النهاردة يوم مميز جداً. النهاردة اول جمعة فى شهر ابريل، يوم اليتيم.
فى ناس بتروح دار الايتام يوم فى السنة وفى الغالب النهاردة، وفى ناس بتروح كل ما ظروفها تسمح، وفى ناس ما شافتش اساسا دار ايتام قبل كده.
انا كنت واحد من الناس دول لحد سنتين فاتو. وكنت بقول انا نفسى طبعا بس فين؟ اصل بعيد! اى كلام وخلاص، مجرد حجه انى ما اعملش لإنى ببساطه مش عارف.
فى رمضان اللى قبل اللى فات اختى جت قالتلنا ان فى دار ايتام قريبه مننا، وانها راحت هيا وجوزها وقعدوا هناك شوية. انا فرحت جدا انى اخيرا هبطل اقول اعذار وهقدر اشارك فعلا.روحت دار رشدى للأيتام وأد آيه انبهرت بالمكان ونظافته وراعيته للبنات الأيتام. ومن ساعتها وانا تقريبا بروح كل ما ظروفى تسمح اقعد معاهم شوية وأعمل اللى اقدر عليه.
النهاردة فى الاحتفال بيوم اليتيم، وأحنا بنلعب جت صباع المحشى ( فاطمة ) وسألتنى سؤال غريب.ليه بنشوف الناس مرة واحده ومش بنشوفها تانى ؟ وشاورت على ناس اول مرة تشوفهم، وكأنها متأكده انها آخر مرة هتشوفهم فيها.
قولتلها مش عارف!! تعالى نروح نسألهم. أخدتها لواحد من اللى شاورت عليه، وهى سألته: عمو عمو انت هتيجى هنا تانى؟ قالها طبعا هاجى هنا تانى! قالتله طيب احلف انك هتيجى هنا تانى! قالها والله هاجى هنا تانى وهاجى كتير كمان.
قالتله طيب انت ليه ما جيتش قبل كده؟ قالها انا ماكنتش اعرف انكو هنا اصلا، بس خلاص انا عرفت وهاجى كتير. ولو ماجتش اعملى فيا اللى انتى عايزاه.
قالتلو عمو لو ماجتش تانى هتبقى زينا ومش هتلاقى حد يجيلك يلعب معاك.
الولد تنح من الجملة وصياغتها وانا كمان بقيت مش عارف اقولها آيه. والولد قالها طيييييييب تعالى بقى لما نشوف ان كنت جاى ولا لأ. وشالها ولعب معاها وانا بصيت له انى مستغرب من اللى قالتله و هوا كمان بص بإستغراب بس بقى ما يقدرش ما يجيش تانى.

اللى فى النص انطونيو من اسبانيا جه يشارك فى اليوم



اتمنى من ان الولد ده يروح الدار تانى ويعلب معاهم تانى ومايبقاش علاقته بالدار مجرد مشاركه فى يوم اليتيم وبس، لأن السنة كلها يوم اليتيم.

الجمعة، مارس 30، 2007

عالم التدوين

بعد قرابة العام من دخولى الى عالم المدونات، ورصيد التدوينات قرابة الخمسين تدوينة متنوعه من مقالات وشعر وصور وشخصى وقصص اعددت وقفه مع نفسى لأدرك ماذا تغير خلال هذا العام. على المستوى الشخصى وعلى المستوى العام المحيط بى.
طالما احببت القرآة، وخصوصا القصص القصيرة التى تحتوى معنى. وبعد ذلك كتب سلسلة عالم المعرفة التى طالما احدثت فروق كبيره فى معرفتى بأشياء كنت اعتقد انى اعرفها جيدا.هذا بخلاف الكتب المتنوعه فى مجال عملى.
منذ بدأت ادون اكتشفت الفارق بين ان تقرأ لكاتب وان يقرأ الناس ما تكتب.الفرق بين ان يتحول الناس الى كتب تقرأها، وبين ان يصبح الناس ورق تكتب عليه.
اصبحت انصت بشكل مختلف الى ما يقوله الناس. واتحدث بشكل مختلف قليلا عن ذى قبل. بدأت ادرك بشكل اكبر ما بين سطور نظرات الناس. وكيف ان هناك من يقول ما لا يؤمن به،وآخرون يؤمنون بما لا يقولونه.
حياة المسرح تختلف كثيرا عندما تكون فى مقاعد المتفرج عنها فى مقاعد الكواليس. تشعر بأنك تعرف ما سيحدث قبل ان يحدث، وأن شوق النهايه لا وجود له لإنك تعرفها من قبل ان تأتى.
تعلمت كثيرا من كونى مدون مبتدأ، تعلمت إحترام وجهة نظر الآخر حتى وان كنت مختلف معها. لكن مازلت على عدم مقدرتى فى ان اتهاون مع اى شخص احس فى رأيه فى الدين بإستهزاء. قد يرجع ذلك لمرجعيتى الازهرية فى التعليم فى مراحل التعليم الاساسية، وقد يرجع لكونى غيور جدا على المساس بدينى ممن يجهله. لكن فى النهاية لا افرض رأئى على احد. فالكل واحد رأيه الخاص وهو حر فيما يعتقد لكن حريته تنتهى عن بداية حريتى.
تعرفت على الكثير من المدونات التى اضافات لى الكثير. وتعرفت على مدونين كبار فى التدوين. من ابرزهم بهظ بيه صديقى الذى قدمنى الى عالم المدونات وكريم الذى اسعد بصحبته كثير، والكثير من المدونات التى احرص على معرفة الجديد فيها.
عام مضى وانا ادون فى مرأبى الخاص، واخرج منه كل يوم جمعه الى الحياة قبل ان اعود مجدداً إليه فى محاوله ان اعرف كثيرا واحول عدم المعرفة اكثر.
تغيرت من حولى اشياء كثيرة، تغيرت معانى قد اوهمت انها لن تتيغر. عرفت جمالا لم اعرفه من قبل، عرفت قلبى بطريقة لم اعرفها من قبل, عرفت حياة لم اعرفها من قبل.
اقتربت من اصدقاء اكثر، ابتعدت عن اصدقاء آخرون اكثر. اعلم ان كل يوم يمر يبعدنى عن اشياء وقربنى من اشياء اخرى. قد اجهل تحديد عن ماذا ابتعدت او الى ماذا اقتربت، لكن الحقيقة الثابتة الوحيدة انه زاد يوم فى حياتى ونقص يوم من عمرى.
حزنت كثيرا فى هذا العام، وسعدت كثيرا ايضاً.. تعرفت على عيوبى اكثير، تعرفت على اعدائى اكثر، وعالجت أخطائى بأصدقائى وهزمت أعدائى بحبى.
عام مضى وقد يأتى عام آخر لى فى عالم التدوين.


الجمعة، مارس 23، 2007

كفايه شعارات

يسقط المطر فى الشتاء
يعيش السمك فى الماء
الله اكبر والنصر للسيارات
الاستقلال التام للمسقعة بالبتنجان
نموت نموت وتحيى كاريوكا
عملنا اللى علينا والباقى على اقساط
سولار فى التنك ولا دولار فى البنك
أبجنى تجدنى ما تأبجنيش ما تلاقنيش
تعيش الملوخية معمولة فى التقلية
بالروح بالدم هناكل المهلبية

--------------------------------------------------
يوم 26/3 الاستفتاء على التعديلات الدستورية، لحد امتى هتفضل مشاركتنا عبارة عن دعوة للماقطعة لعدم إضفاء الدستورية على التعديلات... آيه ده، لحد امتى هتفضل مشاركتنا هى عدم المشاركة أياً كان المسى لده.
بغض النظر انا مع او ضد التغيرات فى الدستور، بس لازم نروح نقول رأينا. دلوقتى فى فرصه ان نعمل حاجه او نحس بتغير.
عييب قوى نلاقى 50 الف شخص فى الاستاد مهتمين بالكورة وينقاشو مشاكلها واللى بيحصل فيها ويتعصبو للتغير فيها وماتلاقيش ربعهم حتى ممكن يروح يشارك فى انه يقول رآيه فى حاجه لمصلحة بلده.
ممكن تكون نتيجة الاستفتاء معروفة من قبل ما تحصل، وصوتك مش هيكون ليه اى قيمة. بس الفرق اللى هتحس بيه ان صوتك هيزود واحد على الناس اللى بيقولو نفس رآيك.
لو مقتنع بالتعديل قول آه لو مش مقتنع قول لأ، إنما لو مش فارقه معاك يبقى احسنلك سيب البلد، لإن هيجى وتقول فى يوم من الايام ياريت شاركت وقولت رآئى، يمكن كانت فرقت وبكرة بقى احسن من النهاردة.بس ساعتها هتعرف بعد فوات الأوان ان كفايه شعارات.

الجمعة، مارس 16، 2007

ماى برازر

اول مرة اروح صالون للأعمال التشكيليه، واللى ودانى مش شغفى بالفن لا سمح الله - لإن تقريبا معظم اللى بشوفه مش بفهمه - لكن روحت علشان احمد اخويا اخد جائزة الصالون وكان لازم اروح اتفرج على الصالون والاعمال اللى فيه. واخذت شوية صور للأعمال اللى عجبتنى هناك صحيح فى اعمال تانية وجامده جدا بس ما كنش ينفع اصورها، لإن العمل فيه روح لازم تتحس مش بس تتشاف
طبعا بما انه اخويا فهو فهمنى على جنب معنى الصور بتعاته
الصورة اللى على الشمال بتعبر عن حياتنا وهيا فيها زحمة كتير زى موجات الردايو
والصورة اللى على اليمين بتمثل الصورة المثالية لحياة بدون إزعاج من المحطات
دى أعمال تانية فى الصالون




الجمعة، مارس 02، 2007

جواب من مجهول

أنا ببعتلك جواب لإنى مش عارف أقولك الكلام دا وجها لوجه.وإنه لازم يكون من غير رد. وأرجو إنك تنسى الكلام دا بمجرد إنك تقرأية.
ممكن الكلام دا يغيرك من نحيتى بس صدقينى أنا حاسس إن الكلام دا حمل على قلبى ولازم أقوله .
أنا أول ما شوفتك أول مرة حسيت إن حيكون ليكى شأن كبير فى حياتى، مش عارف الإحساس دا جالى منين بس ده اللى حصل.
مكنتش عارف أعمل آية ، قولت لنفسى لو إحساسى صح أكيد هيجى اليوم إللى أتأكد فيه، وأنا المفروض إنى ما اتدخلش فى الموضوع أسيبه يمشى طبيعى.
جه اليوم إللى طلبتى منى إنى أجاى البيت عندكم. لقيت إن والديكى ناس من القليلين إللى عرفتهم يتسموا بالطيبة إللى هما ممكن يحبوا شخص أو يكرهوه لمجرد إحساسهم بالشخص، ودا إدانى إنطباع إنهم ناس كويسين الى أبعد الحدود .
لما نزلت من عندك لقيت نفسى بسأل سؤال غريب شوية، يا ترى فيها آية غير الناس التانية، وفضل السؤال داخلى لحد ما كنت بتفرج على فيلم طرزان ولقيت إنى عامل زيه بالظبط. كل الناس إللى عرفتهم نوع وإنتى كنتى نوع لوحدك، مختلف تماماً عنهم. معرفتش أحدد طبيعة الإختلاف بس كنت عارف إنه موجود وبدأ الشعور جوايا يزيد .
لما بدأت أتكلم معاكى بعيد عن الشغل صحيح كان من فترة قصيرة جداً بس كنت حاسس إنى عرفتك من فترة مقدرتش أحدد مدتها بالظبط هى كانت طويلة بس إمتى مش عارف.
لقيت جواكى الإنسانة إللى أنا بدور عليها . الذكية الجميلة الطيبة المحترمة عالية الإحساس، وفى النهاية عرفت إنى بحبها .
وسألت نفسى طرزان حب أول وحدة لئاها مختلفة عن الباقيين ممكن دا يكون إعجاب بالشخصية أو بالإختلاف بس لقيت نفسى قادر تماماً التفرقة بين الإعجاب والحب صحيح أنا عمرى ما حبيت بس أعجبت كتير بشخصيات وعقليات لقيت دا مختلف تماماً وبدأ الشعور جوايا يدفعنى لعدد من الأسئلة ملوش نهاية.
أول حاجة فكرت فيها هو إنك مستحيل تحبى واحد زيى إنى مفياش من الصفات اللى ممكن تخلى واحدة تحبنى جايز أكون مختلف عن بعض الناس بس أكيد فى ناس أحسن منى كتير إنتى تستهليهم .
وبعدين فرضت جدلاً إنك ممكن فى يوم من الأيام تحبينى وبعدين إنتى عارفة إن إرتباطنا أكيد حيكون صعب دا إن ماكنش مستحيل بسبب حاجات كتير فى موضوع الإرتباط حتكون مشكلة عند أهلك وعند أهلى . ولقيت نفسى بقول يعنى هى كل مشاكلك إتحلت ومتبقاش غير دى الارتباط تفكر فيه .
ولقيت نفسى بفوق من عالم الخيال إللى عايش فيه لإنى مش عايش فيه لوحدى، ومش من حقى إنى أفرض على أى حد إنه يعيش معايا فيه، سواء فى أرض الواقع أو حتى أرض الأحلام .
وقررت إنه من الجميل إن الواحد يعرف معنى الحب الحقيقى. صحيح ممكن ما يكونش متبادل بس يكون موجود وحقيقى، وإكتفيت إنى أعيش وأنا متظمئن إنى عرفت أجمل حاجة فى الدنيا ودا غير منى حاجات كتير متتخيلهاش وقلت لنفسى إللى يحب إنسان يحبله الخير دائماً وإنتى أكيد تستهالى أحسن واحد فى الدنيا وأكتفيت إنى أسمع صوتك أو أجيلك علشان أو أى حاجة تانية على اى أساس.
وصدقينى أنا بحلم على قد إمكانياتى علشان كده فرقت بين قلبى وعقلى وقفلت على قلبى نهائياً لأنه خلصت مهمته ومقدرش أطلب منه أكتر من كدة. وعقلى فرح كتير بصداقتك ليه ومعرفته بإنسانة زيك تحمل كل معانى الجمال داخلها وخارجها.
وصدقينى أنا أتمنالك التوفيق دائماً.
الجواب ده بداية ونهاية،ونهاية بداية، وبداية نهاية.
قصة حب بدأت وإنتهت من غير اى ذنب للأثنين فى المشاعر اللى اتولدت بينهم وكبرت معاهم ومحدش قدر يموتها جواهم. لكنهم خبوها وقسموها نصين نص فى قلبه ونص فى قلبها.
تحية من كل قلبى ليهم واتمنى لهم السعادة اللى عمرها ما هتكون سعادة سعيدة

الجمعة، فبراير 23، 2007

يوم فى حياتى

بعد 25 سنة نفسى يبقى يومى بيعكس النتائج اللى حققتها فى حياتى. وساعتها وساعتها بس هعرف هل فعلا حققت من حياتى اللى كنت عايزه منها ولا ضاعت منى .
التاريخ : الجمعة 6 فبراير 2032
المكان : بيت فى مكان هادى على البحر فى مصر
تفاصيل اليوم:
5:00 صباحا بصحى وبصحى مراتى علشان نصلى الفجر. ونقرأ جزء من القرآن
6:00 بدخل على النت بشوف الجرايد والاخبار فى الوقت اللى مراتى بتشرف على تجهيز الفطار
7:00 بننزل على البحر نتمشى ونتكلم فى ذكريات البحر فى حياتنا
9:00 بكتب مدونتى الاسبوعية
10:30 باخد شاور للإستعداد لصلاة الجمعة
11:00 بقرأ سورة الكهف
11:45 الذهاب الى المسجد لصلاة الجمعة
13:00 بنكلم اولادنا نطمئن عليهم وعلى اولادهم، وبنكلم اهالينا واصدقائنا
15:00 بنطلع نتغدى على البحر
16:00 بنصلى العصر وبنام شوية ( اكيد العظمة كبرت ولازم نتستريح )
18:00 بنقوم نتمشى على البحر ونصلى المغرب
19:00 بنفكر لو هنسافر الشهر اللى جاى نروح فين ونعمل آيه هناك
20:30 بنصلى العشا ونختار فيلم نتفرج عليه
22:30نطلع على البحر ونشغل مزيكا هادية ونمسك إيد بعض ونبص للسما
01:00 ندخل ننام ونحمد ربنا على اليوم اللى عشناه واحنا مبسوطين وراضيين باللى عملناه فى حياتنا

الجمعة، فبراير 09، 2007

الإناء

فى اغلب الاوقات بقيم قرارتى قبل ما اتخذها. لكن الاسبوع اللى فات اخذت قرار قيمته بعد ما أخذته بشكل مختلف تماما عن تقييمى قبل ما آخذ القرار.
مشكلة القرار انى اعمل بمقولة يا بخت من بكانى وبكى عليا ولا من ضحكنى وضحك الناس عليا. خصوصا لما يبقى متعلق بشخص عزيز عندى جدا، بس ما فى اليد حيله قرار ولازم يطلع وينفذ خلال وقت قصير غير كافى لإدراك كل العواقب من اتخاذه.
فى حديث عن الرسول صلى الله عليه وسلم جزء منه ( إن لله عبادا إختصهم بقضاء حوائج الناس ) كتير كنت بقف عند الحديث وأحسن إنى واحد من الناس دول. بس مش عارف امتى هيجى عليا الدور وألاقى حد يقف معايا ويقضيلى حاجتى. بس الحمد لله ربنا بيكرم من عنده.
المشكلة ان صحبى ده انا وهوا عندنا نفس الاحساس ده، ومرة اتكلمنا فيه وما طلعناش بنتيجه مريحه فى النهاية، وفضلنا راضيين باللى ربنا قسمه لينا.
مش عارف ليه بيجلنا القدرة على مساعدة ناس كتير، ونقدر نأثر عليهم وعلى مستقبلهم بشكل ملموس، ومش بنقدر نعمل ده لنفسنا.
ليه ممكن توجد حلول كتير لمشكلة ما لحد ولما نقع فى نفس المشكلة بيحصل ان نعجز تماما عن التفكير فيها؟ ليه طالما بنمد إيدينا لناس كتير انها تطلع من خلالنا محدش بيعمل ده معانا، رغم إننا مش منتظرين ده من حد، بس يفضل سؤال ممكن يدور جوانا كتير من غير إجابة.
ليه ممكن لما نعمل حاجه كويسيه يطلع فيها 100 عفريت علشان يبوظها، ولما تلاقى حد بيعمل حاجه غلط ماحدش يفكر يقوله حتى انت بتعمل آيه.
كل منحاول نبنى حاجه تلاقى خماشر واحد عايزك تفشل، ولما تيجى تهد حاجه تلاقى مسانده من كل الناس. حتى اهالينا دخلو فى الدائرة دى، دائرة الناس اللى بتحاول من غير ما تشعر انها تهدم احلامنا وطموحاتنا.
المشكلة ان الواحد عنده حياة واحده يعيشها، حياة واحده يتعلم فيا ومنها، احسن حاجه طلعت انا وصحبى من الموقف اللى حصل لنا هو الاصرار ان مش هنعيش بعين حد، لازم نشوف الحياة بعينا حتى لو ده كلفنا اكتر وقت ومجهود وخسارة فى بعض الاحيان، بس هنكون احنا مش هما تانى.
فلا تبكى يا عزيزى الدوق على اللبن المسكوب فكلنا من نفس الإناء.

الثلاثاء، فبراير 06، 2007

ربنا يسامحكم ويسامحنى قبلكم

مشكلة بهظ معايا انه صديق عزيز وما أقدرش ارفض له طلب، حتى لو كان انى اكسر قانونى الخاص بالمدونة علشان خاطره. صحبى بقى. ولما الموضوع تطور ودخل مدونين جامدين زى The Lost Princess اصبح لا مفر
لما نشوف آخرتها
اية اللي حيحصل لايميلك لما تموت ؟
انا فكرت فى الموضوع ده - مش الايميل تحديداً- لكن فى الحاجات اللى هتحصل لما اموت - ولقيت ان ليا حاجات كتير على الانترنت مش بس إيميلات إشتركات وحركات كتير. ومن ساعة ما والدى توفى وانا معايا وصيته لحد دلوقتى فى جيبى من ساعتها قررت انى اعمل وصية فيها كل حاجه، مين ليه عندى فلوس واللى ليا عنده فلوس مسامحه فيها، مين مأمنى على حاجات وترجعله إزاى، كل حاجتى على النت ويعملو فيها آيه
اديت لباس وورد لحد قبل كده؟
آه مرة، كان النت قاطع عندى وفى حاجه مهمة عايزها من على الايميل. وطبعا غيرت الباس وورد اول ما النت رجع
لو اه كانت طبيعة علاقتك بيه اية؟
صحبى فى الشغل
اسمك؟
محمد بدرى على
اسم الدلع المشهور في وسط اصحابك؟
فى الغالب بدرى، وفى المنديات واماكن معينه هندس
عمرك؟
26
برجك؟
الميزان
مجالك او مجال دراستك ؟
الأثنين كمبيوتر
شخصيتك نوعها اية؟
إنسان عادى، بحب وبكره
السفر بالنسبة لك؟
السفر بالنسبة ليا متعة خاصة جدا اتمنى انها تدوم
س : المود بتاعك؟
ج : أنكر
وقت فراغك بتعمل فيه اية؟
بقعد لوحدى اسمع مزيكا
الاكلة المفضلة؟
الفراخ - الملوخية - المحشى - الممبار
الصفات اللي خدتها من بابا؟
كتير جدا، حتى الصفات اللى ما كنتش عاجبانى فيه لقيتها فيا
الصفات اللي خدتها من ماما؟
كتير واهمها ان الحياة وسيلة مش غاية
اكتر 6 حاجات بتكرهها؟
الوحده
الظلمة
الخوف
البتنجان
مدير غبى
الحَّر
اكتر 6 حاجات بتحبها؟
ربنا
حبيبتى
عائلتى
اصحابى
الوحدة
شغلى
الشغل بالنسبة لك؟
غاية علشان اقدر اوصل لهدف وبعدها ينتهى الشغل من حياتى واقدر اتفرغ لحاجات تانية اهم
اية الكومبيوتر والانترنت بالنسبة لك؟
شغلى، خيالى، عجينة فى إيدى بعمل بيهم اللى انا عايزه
عايزيني امرر التاج دلوقتي لحد؟
كل اللى اعرفهم فى عالم المدونات

الجمعة، فبراير 02، 2007

رفع القبعة

فى حياة كل إنسان علامات سابها ناس أثروا فيه بشكل او بآخر.
من اهم الناس اللى أثرت عليا وعلى حياتى د/ حاتم قوشتى. دكتور حاتم اتخرج من كليه الطب البشرى علشان يلبى رغبة أهله فى انه يكون دكتور، لكن هوا كان يميل على الكمبيوتر وعلومه فقرر انه ينفذ لأهله رغبتهم وينفذ هوا كمان رغبته.
درس علوم الحاسب فى لندن ورجع فتح شركة كمبيوتر فى القاهرة. كان منظم جدا فى شغله، منضبط جداً فى مواعيده، حازم جدا فى قراراته، طيب جدا على المستوى الشخصى.
اشتغلت مع الدكتور حاتم وانا فى أول الطريق فى الكمبيوتر ، كان مستغرب جدا انى بشتغل وانا فى السن ده ومش فارق معايا المقابل المادى، وكان بيحبنى جدا وعمره ما بخل عليا بعلومة سواء سألته عليها او اللى هوا يقوله لأنه عارف ان المعلومة دى مهمة ووقتها مش دلوقتى.
كان بيوصلنى كل يوم بعربيته لأقرب مكان ممكن اركب منه للبيت، وكان بيدينى إرشادات لليوم الجاى علشان استعد له.
فى يوم واحد فى الشغل ماسك كوباية شاى وجاى على المكتب بتاعى وقعت منه الكوباية ونزل منها شوية على هدومى. جريت على الحمام احاول انظفها بس البقعة ما طلعتش وسابت اثر على هدومى.
كنت مدائى جدا وبحاول اداريها بكل الطرق، واحنا مروحين وانا فى العربية الدكتور حاتم لاحظ ارتباكى، وانى حاسس بالإرتباك وان شكلى وحش انى همشى فى الشارع وبقعة الشاى على هدومى.
وقف بالعربية على جنب الطريق فى شارع زحمة، وقالى بص كده على الناس اللى فى الشارع وقولى شايف حاجه غريبة؟ بصيت عليهم وقولت له مالقتش حاجه غريبة عادى.
قالى لو ركزت هتلاقى ان كل الناس أخذو من عينك ثانيتين ثلاثه بالكتير، ونسيت شكلهم بعد كده، قالى تعرف ده معناه آيه؟!معناه ان كل واحد بيجى عليه وقت وبيحس انه محور ارتكاز الكره الارضية، وان الارض كلها بتلف حواليه، وتلاقيه مهتم بمظهره قبل اى حاجه، بشكله من برة اهم من شكلة من جوا. تسريحه شعره اهم من اللى فى راسه. مع انه فى الحقيقة مجرد ثانيتن او ثلاثه فى عين الناس. قالى تخيل انت ممكن تضيع من وقتك أد آيه علشان خاطر ثلاث ثوانى!!
قالى مهم انك تهتم بمظهرك لاكن الاهم انك تهتم باللى جوا مظهرك، لإن حياتك اهم من ثلاث ثوانى فى عين الناس.
يوم تانى كنت جايب معايا هارد بتاع واحد صحبى كان عايز اعمله فيه حاجه، دخلت على الدكتور وإستأذنت منه انى آخد الهارد بنفسى واطلع غرفه الصيانه واعمله بنفسى. رحب جدا وقالى خد وقتك والمعدات اللى محتاجها من غير ما ترجعلى. فى آخر اليوم سألنى خلصت اللى كنت بتعمله؟ قولت له الحمد لله. قالى هتاخد فى اللى عملته كام ؟ قولت له مش هاخد حاجه دا لواحد صحبى.
قالى وفيها آيه انك تاخد من صاحبك حق ما اشتغلت فى حاجته؟
قولت له اولا ده مش شغلى اللى باخد عليه فلوس، ثانيا انا بعمل كده لواحد صحبى مش لعميل.
قالى تعرف قبل كده واحد صحبى دخل عليا ومعاه واحد عايز رزمة ورق، وبعد ما بعتها للى كان معاه ومشيو رجع ليا صحبى تانى بعد خمس دقائق يسألنى على عمولته فى البيعه دى. قالى تعرف مكسب رزمة الورق كام؟ قولت لأ، قالى 50 قرش.
قالى خلى بالك من اصحابك لإن مش كلهم اصحابك لذاتك، فيهم اصحاب مصالح ولازم تعرف تفرق بينهم كويس، لإن الوحيد اللى هيخسر هوا انت مش اصحابك.
اتعلمت من الدكتور أن المبيعات مش فن تلاعب بكلمات، بل فن احترام العقول، وفن إظهار العيوب. حاجات كتير ليها مدلول فى الشعل وفى الحياة.
اتمنى ان يبتسم ليا الحظ والقى الدكتور حاتم ولو صدفة علشان اقدر اشكره، أشكر الراجل اللى علمنى حاجات كتير وليه عليا افضال مهما عملت مش هقدر اوفيله حقه.
الدكتور حاتم رجل بستحق إنى وبكل فخر ارفعله القبعة إحترما وتقديراً.

الجمعة، يناير 26، 2007

ممكن؟


كتير بحلم بحاجات كتير وفى الآخر أقول ممكن ؟
وانا صغير كان نفسى يكون ليا اصحاب فى العمارة كلها، وكبرت شوية وقولت نفسى يكون ليا اصحاب فى شارعنا كله، وكبرت تانى وقولت نفسى يكونوا فى مصر كلها، وكبرت تانى - كنت فاضى قوى زمان، عمال آكبر - وقولت نفسى يكون ليا اصحاب من كل الدول العربية.
نتجمع كل سنة فى بلد شكل، ننزل كلنا عند واحد من اصحابى فى البلد دى، يعرفنا على البلد وعلى عادتها وتقاليدها وناسها، وكتير تخيلت انهم كلهم فى مصر ونزلو عندى.
هفرجهم على آيه الأول؟ الهرم ولا النيل ولا الأوبرا ولا القاهرة بالليل ولا القلعة ولا حوارى الغورية والازهر ولا اوريهم المتحف الاسلامى ولا أوديهم المتحف المصرى ولا متحف محمد على ولا ولا ولا ولا ....................
بس إزاى هدارى زحمة الشوارع ، إزاى هدارى ووشوش الناس الطيبة اللى إتحفر فيها نقوش التعب واليأس ، إزاى هدارى منظر الأوتوبيسات اللى ينطبق عليها المثل ( لو تجرى جرى الوحوش الاتوبيس ما تلحاقوش )، هدارى إزاى منظر القهاوى اللى اتملت من خريجى الجامعات المؤسسين لشركة عطيل! ، هدارى إزاى منظر العيش اللى على الأرض والأحذية اللى فى البتارين.
قولت طالما انا هكون فخور وأنا بفرجهم على آثار ومعالم بلدى مش هخجل وأنا بقول لهم على مشاكل بلدى، بالعكس هكون فخور إنى بشارك ولو بدور صغير فى تغيير المشاكل اللى فى بلدى، مش بالكلام ولكن بالفعل، وهبقى فى قمة الفخر لما يجيى الدور تانى على مصر وأوريهم اللى إتغير فيها.
ياترى فى يوم هيتحقق حلم من احلامى ويكون ليا اصدقاء من كل الوطن العربى ، والحلم التانى إن يجيى الدور على مصر فى الزيارة واكون فخور بيها وقدرت أحل ولو جزء من مشاكلها؟ ممكن ؟!

الجمعة، يناير 19، 2007

صدق المشاعر


ربنا خلق جوانا كل المشاعر الحلوة والوحشة فى نفس الوقت، وساب لينا حرية استخدماها وطريقة الحياه معاها.
تلاقى الطفلة الصغيرة بتشعر بالأمومة تجاه عروسة مع إنها لسه بتقول على السكر اوكر، وتلاقى الولد حاسس بالغيرة من اخوة او اخته وهوا لسه من مواليد الشمعدان.
بس كل واحد ليه تعريفه الخاص بالمشاعر، كل الناس بيجى عليها وقت وتبقى سعيدة ولو لوقت قليل، بس صعب قوى تلاقى اثنين لهيم نفس التعريف للسعادة، تبقى آيه بالنسبة ليه.
كل الناس بتحب بس كل واحد شايف الحب بطريقه ممكن ما يلاقيش كتير بيتفقوا معاه فى نفس التعريف، علشان كده تلاقى اثنين بيحبو بعض بس مش متوافقين مع بعض فالعلاقة بينهم ما تنجحش فى المشاعر، وتلاقى اثنين لمجرد انهم متوافقين مع بعض فى المشاعر بس مش بيحبو بعض وتنجح العلاقة بينهم.
مش عارف ليه مش كل الناس بتفكر فى مشاعرها، هيا آيه وليه ويقدر يحافظ عليها إزاى. مقضيها وخلاص. والنتيجة ان الشعور الواحد ممكن يتغير على حسب الإنطباع العام عنده، اللى يفرحه ممكن يزعله واللى يخنقه ممكن يحسسه بالإنتصار, لخبطة جامدة تلاقيها عند ناس لخبطة لذيذة وليها طعم، وتلاقيها عند ناس تانية لخطبة تخنق وتخلى المشاعر تفقد مصداقيتها ويبقى احمد زى الحاج احمد فى كل حاجه.
اللى لقيته فى الموضوع ده ان اهم حاجه هو انه مهما كان احساسى فى اى وقت لازم احافظ على لمعانه جوايا واحتفظ بيه فى مكان بعيد عن اى حاجه ممكن تعكر صفوه، علشان يبقى عندى مشاعر عادية فى اوقات عادية، وعندى فى اوقات خاصة مشاعر صادقة صافية طالعه من القلب.