يعيش الانسان على الذكرى
والذكرى فكرة
والفكرة حكمة
والحكمة تجلب الصمت
والصمت ابلغ الكلام
والكلام يستوجب الرد
والرد على مستوى الحديث
والحديث لمن يعيش
ويعيش الانسان على الذكرى
نقطة ومن اول السطر
صحيح العلم نورن لكن احيانا كتير الجهل نعمتن ، الصح صح والغلط غلط . بس لما تتعمل حاجه غلط علشان نوصل لحاجة صح بنفكر كتير المحصلة صح ولا غلط ؟
لما حد يغش علشان ينجح ، او لما حد يدفع رشوة علشان يخلص ورق ، او لما يقفل إيميل حد علشان ما يقرأش رساله وصلته غلط، او انه يكسر إشارة علشان ينقذ حياة شخص، او انه يتصنت على تليفون حد علشان يطمئن عليه ، او انه يسرق علشان يسدد ديون اكل وشرب اسرته، او الاب يقسو على اولاده علشان يربيهم، او نكذب على نقصر الطريق فى اننا نفهم حد حاجه... حاجات كتير جدا غلط بتتعمل علشان حاجه صح مهما اختلفت نسبتها .
هل الغاية تبرر الوسيلة مهما كانت ؟ هل اللى بيعمل كده بيبقى ضميره مرتاح ؟ ولا بيكون شايف ان مافيش سكة تانية غير كده علشان يوصل للى عايزه، وبياخد ده مبرر أخلاقى على الاقل انه يعمل الحاجات الغلط.
ده عيب فى مين ؟ الناس ولا فى الظروف ولا فى النظام ولا الاخلاقيات اللى بقت دقه قديمة وموضه راحت عليها؟!
الذكرى فكرة
والفكرة حكمة
والحكمة من عند الله
نقطة و آخر السطر.
الجمعة، يونيو 15، 2007
آخر السطر
الاشتراك في:
تعليقات الرسالة (Atom)
هناك 7 تعليقات:
مع بداية دخولى على مرحلة اصبحت النسبية فيها بتحكم كل شيئ فى حياتى حتى العلاقات الربانية ماقدرش القى اللوم على حد بعينة حتى الست الى مارضيتش تقولى الساعة كام مع انها معاها ساااااااااااااعة
بس عارف بعد كده هابص فى ساعتى ولا الحوجة لحد
فكرة الصح والغلط
القواعد التي يضعها اخرون
ونسير عليها بس عشان هم
اكبر مننا وعارفين اكتر
زي ماقالت دودو الموضوع نسبي
فعلا دلوقتي ماحدش فاهم ولا عارف حاجه
ماعدناش عارفين وموقنين فين
الصح وفين الغلط
حتي لما بنقول صح وغلط مش بنبقي
من جوانا متاكدين من اللي بنقوله
اعمل بس اللي انت تحس انه صح
وانك لما حتعمله ضميرك مش حيتعبك
اعتقد هو ده المعيار ضمائرنا
وبرضه مش متاكده
عجبني اوي التعليق بتاع دودو
ياااااااااااه ياااااااااااه بجد
بجد ابدعت فعلا
عايزه اقولك انه كل سطر فيه كلمتين بجد منتهى الحكمه
انا اصلا ضد المبدا دا مهما كان الهدف المرجو الوصول اليه
واللى بيطبق المبدا دا اكيد بيتعب اوى فى اخر الطريق حتى ولو بعد وصوله لهدفه
انا واثقه من دا
شكرا ليك
جدا
:)
احنا شعب بنبيع ضميرنا عشان نحسن دخلنا
بصراحة بوست اكثر من رائع تحياتي لك واتمني لك التوفيق
منحى بوستاتك بياخد جانب ملحوظ
وكلامك كبير
خد دودو وروح اتفرج هلى مكسيم فيلمى اناورشاد هيتعرض يوم التلات فى البريتش
المخابرة مع رشاد لان موبايلى مفقود
هحاول اكون هناك واشوفك
اه واكتب عن الفيلم يا واد
لأ بجد بوست أكتر من رائع
بجد حلو أوييي
بس هو من رأيي ان الغايه مش بتبرر الوسيله
لكن انك تكسر اشارة المرور عشان تنقذ حياة حد, أعتقد دي مش مشكله, ممكن تتعمل.
إرسال تعليق