الخميس، يونيو 01، 2006

الناتج " صفر "

* دخول عشرمية ألف طالب امتحان الثانوية العامة .

* كليات القمة تتراوح نسبة دخولها 220% و 300% .

* كليات القاع تشتكى من سوء الصرف الصحى لزيادة عدد الطلاب فيها .

* أوائل الثانوية العامة الأعوام السابقة راسبون للمرة الثالثة على التوالى فى الكليات .

* طلب فى مجلس الشعب للجمع بين نقابتين الهندسة والسائقين .

* عروض كبيرة لدى الأطباء حديثى التخرج تحت شعار" الكشف علينا والدواء علينا بس بالله
عليك تعالى عندنا " .

* خريجو تجارة يرفعون شعار أكون مندوب مبيعات أو لا أكون تلك هي المأساة .

* طلب زيادة عدد كراسى المقاهى أمام المحاكم للمحامين ووضع لقب الباشكاتب فى كارنية نقابة المحامين .

* يتمنى الضباط الوصول إلى رتبة رائد لكى يتسنى له تقديم استقالته .

* تعديل المواد الدراسية لمدراس الثانوية العامة لمواد تعليم حرف يدوية .

* زيادة مادة كيف تصبح مدرس خصوصى ناجح فى كليات التربية .

* امتحان قدرات فى كيفية الشات لدخول كلية الحاسبات والمعلومات .

* إلغاء وجود مراقبين ومصححين للامتحانات لتفوق الطلاب والثقة بأنهم ناجحون رغم أنف الجميع .

* إلغاء الصف السادس والخامس والرابع من التعليم الأساسى ودراسة لإلغاء الإعدادى .

* تطوير المادة العليمة عشرون عاماً لتوافق عام 1970 بدل من المادة العلمية الموجودة من 1950 .

* تخفيض رسوم المدارس والجامعات الخاصة لمحدودى الدخل لتصل تكلفة العام عشارتاشر الف بس .

* تعيين خريجى الجامعات الخاصة فى منازلهم .

* دعم مجانية التعليم وجعل المصاريف ثابتة لكنها تدفع كل شهر .

* ملايين فرص عمل جديدة للشباب بشرط خبرة خمسة أعوام .

*مطلوب عاملات حسنة المظهر ومؤدية للخدمة العسكرية حاصلة على بكالريوس بتقدير لا يقل عن جيد جداً .

* معادلة شهادة الدبلوم الصناعى بكلية الصيدلة لكثرة وجودهم بالصيدليات اكثر من الأطباء .


المحصلة = صفر

هناك 5 تعليقات:

هشام علاء يقول...

ايه يابنى الدماغ العالية دى
معاك حق فى كل اللى قلته
لانه واقعى جد
و مش بغيد ابدا

بس صفر واحد بس
كنت بحبح ايدك شوية
خليهم صفرين..تلاتة
وكل صفر و انت طيب

Bahz.Baih يقول...

المأساه كما ينبغى أن تكون...أن تذاكر أذن انت موجود...أنك تبقى بنى أدم قده مش مطلوب
يا عم عايش انت مش أد التعليم كلك يابنى لقمه بالحلال
لا بجد عندك حق التعليم فى رأيى معمول فى مصر علشان الناس تكون مشغوله و ما تفضاش تفكر لكن تقدم وكلام فارغ أوعى وشك

غير معرف يقول...

أحب أحييك جدا يا أستاذ عايش منصور، هايل فعلا هايل و أحب كمان أقول لك انك تتمتع بخفة دم عالية جدا

islamventura يقول...

اضف صفر المونديال
, و صفر الجنيه المصرى العظيم
و صفر الفن المصرى الراقى و رواده روبى و بوسى سمير و دينا و
و صفر سياسى لنعمان جمعة و ايمن نور و الراجل الطيب الاهبل بتاع الطربوش
و صفر الفراخ اللى عندها انفلونزا طيور بس

انه ليس صفر ولا صفران بل صفرمية

غير معرف يقول...

يااااااااااااه يافندم جيت على الوتر الحساس
بس هو صحيح حايلغوا الثانوية العامة قريب ولا دى اشاعة؟؟؟؟؟