الجمعة، أغسطس 25، 2006

مبدأ


فى ناس أصحاب مبادئ ، وناس معجونة بمبادئ
صاحب المبدأ هوا اللى جرب الصح والغلط واختار ياخد الصح او الغلط او حاجه فى النص المهم انه اختار
المعجون بمبدأ هوا اللى بيعمل الصح او الغلط من غير ما يعرف ليه هو مش بيعمل عكس دا وبتبقى طبيعته ان بيعمل دا وخلاص
معجونة فينا حاجات كتير منها صح ومنها غلط ومنها ولا هو صح ولا هو غلط حاجه تخنق
اتعجنا ان الاحترام انك ما تحطش رجل على رجل قدام حد اكبر منك او ابوك ولو بتشرب سجائر عيب تشرب سجائر قدامه، طب ليه ؟ ماتسألش هوا كده وخلاص
اتعجنا بحاجات كتير فى الدين ما نقدرش نسأل عنها ولو فكرت تسأل حد هتلاقيه هب فى وشك كأنك شيطان رجيم، حد يقدر ينقاش سبب نزول حديث فى البخارى تبقى كارثة وكأن صحيح البخارى او صحيح مسلم قرآن لازم مانفكرش فيه هوا كده وخلاص
اتعجنا ان نجاح اى شخص مرتبط بتكوين عائلة وانه يتزوج ويخلف ويفضل يربى اولاده لحد ما يكبروا ويتجوزوا ويخلفوا ويفضلوا تحت رعايته لحد ما يموت والابن يكمل نفس المشوار مع اولاده وهكذا وكأننا فى ساقية، حلقة مفرغه مالهاش نهاية واللى يحاول يخرج بره الدائرة تتقلب الدنيا عليه ولما يكبر كل الناس تمجد فيه وان هوا دا مثل الحياة الصح بس محدش يعمل زيه
البنات فى المجتمعات الشرقية إتعجنت لما شبعت عجن فى حاجات كتير انا كشاب بتخنق لهم فما بالك بيهم، اتعجنوا ان عيب يتعارض رآيها مع رأى ابوها او جوزها او اخوها ولو حصل كلامه هوا اللى يمشى وكأنها طفلة الحشرة وحسالة المجتمع ومالهاش لزمه
نفسى ابطل اتعجن بمبادئ وابقى صاحب مبدأ على طول
*شواذ القاعدة هما اللى بيثبتوا إنها صح *

هناك تعليقان (2):

SaudiDDS يقول...

Another good post..
Some people do the right ((or the so-called right)) thing with out knowing why they r doing it, this is BAD..that's what you talked about,
we were brought up this way and this is how things go AND THAT'S IT .
the worse is when u do the right thing for the wrong reasons…
3endak mathalan elli yeltazem b ma'6har deeni cuz he is aware that this empowers him in a way, despite etha he believes in it or not, yemkin yekoon AGAINST it aslan

It is complicated, sometimes it is impossible to oppose the stream, you find yourself forced to find a balance between what u believe in and who u r AND how things are going around u and what u r supposed to follow

keep up the good work :)

غير معرف يقول...

دعوة للتغيير ولا دعوة للتصليح؟؟
ايا كان المسمى المهم انها دعوة لاحياء الذات بتأسيس مبادئ او محو بدائيات
اتمنى انها تكون خارجة من القلب مش مجرد مثاليات
لانى كفتاة شرقية شبعت من الكلام ومابشوفش افعال