ربنا خلق جوانا كل المشاعر الحلوة والوحشة فى نفس الوقت، وساب لينا حرية استخدماها وطريقة الحياه معاها.
تلاقى الطفلة الصغيرة بتشعر بالأمومة تجاه عروسة مع إنها لسه بتقول على السكر اوكر، وتلاقى الولد حاسس بالغيرة من اخوة او اخته وهوا لسه من مواليد الشمعدان.
بس كل واحد ليه تعريفه الخاص بالمشاعر، كل الناس بيجى عليها وقت وتبقى سعيدة ولو لوقت قليل، بس صعب قوى تلاقى اثنين لهيم نفس التعريف للسعادة، تبقى آيه بالنسبة ليه.
كل الناس بتحب بس كل واحد شايف الحب بطريقه ممكن ما يلاقيش كتير بيتفقوا معاه فى نفس التعريف، علشان كده تلاقى اثنين بيحبو بعض بس مش متوافقين مع بعض فالعلاقة بينهم ما تنجحش فى المشاعر، وتلاقى اثنين لمجرد انهم متوافقين مع بعض فى المشاعر بس مش بيحبو بعض وتنجح العلاقة بينهم.
مش عارف ليه مش كل الناس بتفكر فى مشاعرها، هيا آيه وليه ويقدر يحافظ عليها إزاى. مقضيها وخلاص. والنتيجة ان الشعور الواحد ممكن يتغير على حسب الإنطباع العام عنده، اللى يفرحه ممكن يزعله واللى يخنقه ممكن يحسسه بالإنتصار, لخبطة جامدة تلاقيها عند ناس لخبطة لذيذة وليها طعم، وتلاقيها عند ناس تانية لخطبة تخنق وتخلى المشاعر تفقد مصداقيتها ويبقى احمد زى الحاج احمد فى كل حاجه.
اللى لقيته فى الموضوع ده ان اهم حاجه هو انه مهما كان احساسى فى اى وقت لازم احافظ على لمعانه جوايا واحتفظ بيه فى مكان بعيد عن اى حاجه ممكن تعكر صفوه، علشان يبقى عندى مشاعر عادية فى اوقات عادية، وعندى فى اوقات خاصة مشاعر صادقة صافية طالعه من القلب.
الجمعة، يناير 19، 2007
صدق المشاعر
الاشتراك في:
تعليقات الرسالة (Atom)
هناك 6 تعليقات:
لذيذ فكر قدرتك على تحديد مشاعرك
لان فيه ناس
انا منهم مش بعرف بحس بأيه لمين احيانا
الموضوع هايل بس فى نقطة
انت دخلت كذا موضوع فى بعض
اولاً موضوع ان تعريف العاطفة مختلف عند كل واحد
تعريف كل حاجة فى الدنيا مختلف عند كل واحد
عشان كده مش ممكن تطبق قاعدة عامة على البشر
ثانياً حتة ضياع الحب والعواطف بسب اختلاف الأذواق
وده موضوع كبير اوى
لأن كل واحد وليه طريقته فى التعبير عن عواطفه
واللى مش من الضرورى ان تكون كل الناس فاهمة ومستوعبة الطريقة دى
ثالثاً المحافظة على عواطفنا
عواطفنا الحلوة
يا ريت كلنا منسمحش لحد يشوه اى معنى جميل جوانا
حبيت البوست بجد
فعلا المشاعر دى سر كبير من اسرار الحياة
علشان تستمع بكل معانيها لازم تكون عارف اصلا كل معانيها وازاى تحافظ عليها حتى المشاعر الحزينة لو فهمتها كويس حاتقدر تخليها بداية سعادة و الشعور باليأس لو عرفت سببه ممكن تخليه بداية امل .
المشاعر الوحيدة اللى أنا حاسس بيها فى البلد دى هى الحزن و المشكلة إن الواحد نفسة يحس بالفرحة علشان يبقى عندة مشاعر
البوست رائع
وما شاء الله بلا حسد والله
حسيت اوى انت عايز تقول ايه
انا على فكره من فتره قريبه
بدأت انى ما اخنقش مشاعرى زى زمان
كل ما بحس حاجه ناحية حد بقولها حتى ولو ممكن اتفهم غلط
هو ده ممكن يبقى غلط
بس يمكن لان اتعلمت من الدنيا ان مفيش حاجه بتدوم
فمش ضامنه ممكن اعرف الناس مدى معزيتها عندى ولا لا
شكرا لموضوعك
واسمحلى ازورك تانى
الموضوع عجبني أوي
فكرته حلوة جدا
وساعة غروب كلامك جميل
تحياتي للجميع
إرسال تعليق