يسقط المطر فى الشتاء
يعيش السمك فى الماء
الله اكبر والنصر للسيارات
الاستقلال التام للمسقعة بالبتنجان
نموت نموت وتحيى كاريوكا
عملنا اللى علينا والباقى على اقساط
سولار فى التنك ولا دولار فى البنك
أبجنى تجدنى ما تأبجنيش ما تلاقنيش
تعيش الملوخية معمولة فى التقلية
بالروح بالدم هناكل المهلبية
--------------------------------------------------
يوم 26/3 الاستفتاء على التعديلات الدستورية، لحد امتى هتفضل مشاركتنا عبارة عن دعوة للماقطعة لعدم إضفاء الدستورية على التعديلات... آيه ده، لحد امتى هتفضل مشاركتنا هى عدم المشاركة أياً كان المسى لده.
بغض النظر انا مع او ضد التغيرات فى الدستور، بس لازم نروح نقول رأينا. دلوقتى فى فرصه ان نعمل حاجه او نحس بتغير.
عييب قوى نلاقى 50 الف شخص فى الاستاد مهتمين بالكورة وينقاشو مشاكلها واللى بيحصل فيها ويتعصبو للتغير فيها وماتلاقيش ربعهم حتى ممكن يروح يشارك فى انه يقول رآيه فى حاجه لمصلحة بلده.
ممكن تكون نتيجة الاستفتاء معروفة من قبل ما تحصل، وصوتك مش هيكون ليه اى قيمة. بس الفرق اللى هتحس بيه ان صوتك هيزود واحد على الناس اللى بيقولو نفس رآيك.
لو مقتنع بالتعديل قول آه لو مش مقتنع قول لأ، إنما لو مش فارقه معاك يبقى احسنلك سيب البلد، لإن هيجى وتقول فى يوم من الايام ياريت شاركت وقولت رآئى، يمكن كانت فرقت وبكرة بقى احسن من النهاردة.بس ساعتها هتعرف بعد فوات الأوان ان كفايه شعارات.
الجمعة، مارس 23، 2007
كفايه شعارات
الاشتراك في:
تعليقات الرسالة (Atom)
هناك 6 تعليقات:
ممكن يكون رايك صحيح باننا لازم نشارك
بس يا ترى لما نشارك هيكون لنا اى معنى
اصلى بجد حاسه انهم عاملسن زى حد كتب يوست وقفل التعليق
اللى هو مهما كان رايكوا انا مش سامعه
ولو سمعته
شكرا
مش عارفه
حاسه ان الموضوع ده كل ما بقراه او اسمعه
بيسببلى احباط فظيع
شكرا ليك
:)
هم عارفين ان الناس مش هيروحو يصوتو, واحنا لازم نخلف ظنهم ونروح نصوت, لو كلنا صوتنا يبقي مش هيلاقو أصوات يزوروها, لو كلنا روحنا بجد, مفيش حد هيقدر يغصبنا علي حاجه, فاكرين لما الاخوان نجحو في الانتخابات؟ نجحو ازاي غير عشان الناس راحو انتخبوهم.
أنا يعني بعد اذن حضرتك كان ليا عنك تاج.
ممكن تحله ((:
و الله يا حاج بدرى ده أحسن كلام سمعته عن الموضوع المشوك ده
الدنيا ريتمها أسرع من اللى الناس متخيلاه
و الحقيقه الوحيده الثابته فيها إنها بتتغير
و كل واحد له دور فى التغيير
متهيألى الى حصل امبارح فى ميدان التحرير بيوضحلنا الى اى مدى تحترم الاراء فى بلد ديموقراطى
______
فيه حكمة بتقول اصمت ان لم يصغى اليك
يابدري والله ماتستاهل تضيع وقتك وتصرف مواصلات و لا بنزين عربية علشان تروح ترمي ورقة كلينكس في التواليت
النتيجه محطوطة مسبقاً و معروفة للجميع والدليل فيديوهات التزوير اللي ماليا اليوتيوب
شوف الاتنين اللي عند مفروسة في مدونتها مثلا
ولا المنشور احكومي اللي بيتبعت للمحليات انهم يرفعوا كشوف الحضور والانصراف وتخللي الموظفين يروحوا يصوتوا بنعم وخلاص
ولا عميد كلية تربية راضية بنات اللي القى خطبة عصماء لبنات الكلية و اخدهم بمنتهى النظام للتصويت
هما اتعلموا الدرس من اللي فات
لما ادونا مساحه من الديمقراطية
وخللوا القضاة يشرفوا عالانتخابات كانت النتيجة ان الاخوان دخلوا المجلس
بس خلاص يبقى القضاة يتضربوا بالجزمة وميشرفوش عالانتخابات بالكامل
والورق يتزور
وبعدين دي مش انتخابات مجلس الشعب
دي مصير رئيس الجمهورية و ابنة من بعده
يعني ماينفعش فيها ديمقراطية من الاساس
لاننا شعب قاصر ديمقراطيا ومابيفهمش
يبقى الحل فين
الدكتاتورية
قولوا رأيكم براحتكم بس انا باعمل اللي في دماغي وبمزاجي
عجبني المثل اللي اتكتب فوق ان الاستفتاء شبة اللي بيكتب وبست ويقفل التعليقات اهو بيقولكم انا رأيكم مش حاسمعه
ولو سمعتة مش حامشي بية في الاخر
إرسال تعليق