صحيح لكل جواد كبوة ، بس لكل كبوة فارس على جواد ليتخطاها.
جميل قوى الحصان . مثابر على هدفه، قوى فى عزمة ، شديد فى تصميمه ، بيجرى لآخر السباق.
بس كتير بيجرى لمجد مش ليه، كتير بيتعب علشان حد تانى يكسب، كتير بيعطى علشان قليل ياخد.
ما بيشتكيش، ما بيلعنش اليوم اللى جرى فيه، ما بيقولش وانا مالى، ما بيزهقش ويرمى صحبه من عليه، ما بيردش للى راكبه الألم اللى بيسببهوله، بالعكس بيكتم جواه احزانه ومشاعره وبيحولهم لطاقة مهولة لقدام، والنتيجه انه لما يبطل يعطى بيضرب بالرصاص بإسم الرحمة.
إهدئى يا نفسى فقريبا ستأتيكى الرحمة مهما كانت مؤلمة.
الجمعة، يونيو 08، 2007
جوادى..نَفسى
الاشتراك في:
تعليقات الرسالة (Atom)
هناك 11 تعليقًا:
ALLAAAAAH YA BDRY
الحصان من وجهة نظري من أنبل الكائنات مش عارفه ليه؟
بس أكيد عشان هو كده فعلا
اللي بيضربوه بالرصاص هم الناس اللي مش بيعرفو قيمته الحقيقيه , ولا بيعرفو يقدروه
مش كل الناس كده يامحمد, صدقني
والرحمه ماينفعش تبقي مؤلمه
ان شاء الله هتكون كويسه(:
كفايه متبسيطيهاش أكتر من كده
الواد متكدر و باين فى بوسطه
ده أول مره يبقى عنده مشكله من غير حل
مش حسه انه لما بيتكلم عن الحصان يقصد نفسه
أرجعى بقى أقرى البوست تانى من وجهه النظر دى
معلش يابو بدرى الرصاص للجدعان
استكمالا لمسيرة الانبساط
وتماشيا مع دعوة الاستاذ بهظ بيه والتى تحثنا على للابستامة
فاننى وباتسامة ملؤها التفاؤل والامل اقول:
ولربّ نازلة يضيق لها الفتى
ذرعا وعند الله منها المخرج
ضاقت فلما استحكمت حلقاتها
فرجت وكنت أظنها لا تفرج
تحيااااااااااتى :)
أنفسك جوادك أم أنت جواد نفسك؟
سألت نفسي...فردت السؤال
تحياتي
بيع الحصان يا عمده و اشتريلك عربيه
متغير شويه يا بدرى يا اخويا
مش غير ملابسك الخارجيه
انا قصدى اكسر الروتين
دون يوم اربع بعد العصر بدل الجمعه باليل مش جايز ده ال خنقك وعملك كرشة نفس
بلاش تغير
طب رد على الناس عندك
احنا مش عارفين رد فعلك على البنى ادمين ال عندك حضرتك
وردودك هو نزول من سيادتك لمستوى المهتمين فى امرك
اقولك ارد انا كنوع من استفزازك على الرد
ورينى هتمسح الكومنت الجاى ازاه
النور اتقطع وانا بكتب الكومنت التانى
ربنا يسامحك
مانا عارفه انه بيتكلم عن نفسه
وانا لما اتكلمت عن الحصان بردو قصدت نفسه (:
الكلام عنه هو مش عن الحصان
هي ايه حكاية الإكتئاب الي مسكة المدونين اليومين دول..فرة وصا بتكوا..كل ما اخش في بلوج الاقي حد يا بينتحر..يا عايز ينتحر..يا بيدور على حد يخلصة بدل ما ينتحر...يا خوانا استهدوا بالله دي باينها عين الحكومة...و بعدين الحصان الي بيسابق الدنيا عشان مجد مش ليه...اسمحلي بق..ده ليه و ليه و ليه..كل ما يكسب..بيتعامل معاملة الموك..وتمن الحصان الاصيل وصل لستين مليون يورو..يعني اغلى من ملايين زي حضرتك..الحصان كمان بطبيعتة مسابق وفارس..الدور والباقي على الحصنة الي شغالة حمير جر..تحياتي
أخى حمادة
حلو التشبية أوى بس إوعي يا واد يضربوك بالرصاص أما تعجز
هاهاهااهاه
دمتعلى خير يا صاحبى
إرسال تعليق