فى وقت بيجى على الإنسان بيستعرض فيه كل حاجه مرت عليه فى حياته كأنه شريط سينما. وبيمر عليه فى الشريط ده كل واحد قابله فى حياته، وبيفتكر اللى عملهوله.
قابلت ناس كتير جدا فى حياتى، ناس وقفت جنبى وساعدتنى بقصد او بدون قصد. ناس جرحتنى بقصد او بدون قصد. ناس حبونى لشخصى وناس حبتنى لمصالح شخصية. ناس ضحكتينى من قلبى وناس ضحكت على دموعى . ناس افتختر بمعرفتها وناس اتمنى ما اقبلهاش تانى فى حياتى ولو صدفة. ناس علمتنى بطريقة مباشرة او بطريقة غير مباشرة. ناس اتعلمت منى بطريقة مباشرة وغير مباشرة. ناس حبتهم من كل قلبى والظروف فرقت بينا. وناس حكم عليا الزمن بقربهم ليا ولو غصب عنى. ناس عروفنى المعنى فى القرآة وفتحولى مكتباتهم حباً فيا، وناس حاولت جاهدة وفشلت انها تدينى مكيفات برضه حباً ليا. ناس شمتو فيا فى اوقات المحن اللى عديت بيها. وناس فتحولى ابواب قلوبهم استخبى فيها من الطوفان. ناس مهما اتكلمت فى حقهم ما هوفى حقهم، وناس مجرد ذكر أسمائهم فى ذهنى درجه كبيرة ما يحلموش بيها.
كل الناس دى ليها الفضل بعد ربنا سبحانه وتعالى فى إنى اكون زى ما أنا دلوقتى، الوحش اللى فيهم قبل الحلو.
وعلى رأى الابنودى من الطين بيطلع الفل والياسمين.
الى كل هؤلاء اهديكم كل الورد واشكركم شكراً جزيلاً
الجمعة، ديسمبر 22، 2006
شكــــــ جزيلاُ ــــراً
الاشتراك في:
تعليقات الرسالة (Atom)
هناك تعليقان (2):
طيب وتقول ايه للشخص الى بيخليك تبتسم اكتر ماتتنفس
للشخص الى يخلى السعادة شيء اساسى فى حياتك زى الماية والهوى
للشخص الى بيخلى للدنيا لون واحد بس فى عينيك بمبببببببببببببببببببى
نسيت اقولك
شكرا جزيلاااااااااااااااااااااااااااااااااااااا
سورى جت متأخرة
بس عقبال ماقدرت اجمع الفل والياسمين
إرسال تعليق