الجمعة، مايو 04، 2007

بدون عنوان

البوست اللى فات حاولت أوضح علامة إستفهام عن مستقبل تكنولوجيا المعلومات فى مصر. وتصورى عن الحل ليها.
تعالو بقى نشوف الدنيا بره فيها آيه فى تكنولوجيا المعلومات. وهما شايفين الموضوع إزاى، علشان بدل ما نقول ما نعمل زيهم ونبدأ من حيث بدأو، نتعلم من اللى وصلوله ونكمل عليه.
ممثلين عن شعوب العالم اجتمعو فى جنيف من 10 إلى 12 ديسمبر 2003 علشان يشوفو هيعملو آيه فى الألفية الجديدة وتطبيقات تكنولوجيا المعلومات وطرق الإستفادة منها.
وطبعا وضح جدا انهم فاهمين كويس الدور اللى ممكن تقوم بيه تكنولوجيا المعلومات فى التطوير ، وتوفير فرص متعددة للوظائف والحصول على تنمية مستدامة للمجتمعات.
حتى منظمة الأغذية والزراعة للأمم المتحدة تبنت تطبيقات تكنولوجيا المعلومات فى التنمية المستدامة على مستوى العالم.
وتجربة إدارة تكنولوجيا المعلومات والاتصالات للجنة الأمم المتحدة الإقتصادية والإجتماعية لغربى آسيا اللى شغالة على زيادة الوعي إزاء مساهمة هذه التكنولوجيات في تعزيز التنمية المستدامة، وتمكيِن بلدان الإسكوا من الاندماج في الاقتصاد العالمي.
ما نقدرش نقول ان المجتمع العالمى متجاهل الدول العربية ومش بيحاول يدعمها فى مشاريع التنمية الخاصة بيها. وفى أمثلة على كده سواء من البنك الدولى اللى مول فى مصر بس 130 مشروع تنمية . او من دول المفوضية الاوروبية اللى ليها مشاريع كتير فى مصر من معظم الدول والمنظمات اللى تابعها ليها. بس المشكلة ان كل واحد بيدن لوحدة. مافيش منظومة كلنا بنتحرك على أساسها، ما فيش نظام حكومى او حتى نظام من جمعيات الأهلية الغير حكومية ليها دور فعال فى التنسيق فى المشاريع دى.
أما التنمية فى المجتمع العربى عبر تكنولوجيا المعلومات ما زلت حبر على ورق، وشعارات اكثر منها إنجازات، ومبادئ اكتر منها آلايات عمل محددة.
أهم وأبسط حاجه محتاجاها تكنولوجيا المعلومات هى المعلومة، ومشكلة المعلومة مش فى معرفتها.
لكن مشكلة المعلومة طريقة الإستفادة منها.


هناك 4 تعليقات:

بلال حســــنى يقول...

عارف اسوا فعلا ما فيه الموضوع ان كل واحد بيشتغل مع نفسه مفيش منظومه
كلامك عن جد جارح لل يقدر اننا كشعب مش بنطور اى حاجه بشكل مخطط لكن اظن حتى فى تطورها النسبي الغير ملحوظ ده بيتم بشكل عشوائي


مساء الفل

هشام علاء يقول...
أزال المؤلف هذا التعليق.
هشام علاء يقول...

صديقى و حبيبى عايش

بما انى راجل شغال فى مجال تكنولوجيا المعلومات زيك فأحب اقولك انك حطيت ايدك على موضوع مهم جدا و احب اضيف و اعلق ببعض النقط

و خلينى اتكلم على مستوى مصر

اولا
تكنولوجياالمعلومات فى مصر اتطورت فى الفترة الاخيرة تطور كويس جدا و بالذات على مستوى الناس العاديين و احسب من خمس سنين كانت نسبة اجهزة الكومبيوتر اد ايه عند الناس العاديي و دلوقتى بقت اد ايه و لكن المشكلة الاساسية طبعا عندنا فى مصر ان استخدامنا لاى حاجة فى مجال تكنولوجيا المعلومات و الاتصالات بيكون استخدام استهلاكى و ليس ابتكارى و بنعرف كويس قوى نستورد التكنولوجيا و نبيع التكنولوجيا لكن مش بنطور التكنولوجيا دى

ثانيا
المشكلة ايضا فى مصر النظرة الخاطئة لمعظم مدراء ادارات تكنولوجيا المعلومات فى بعض الشركات التى تستخدم تكنولوجيا المعلومات و تدخل العديد من غير المتخصصين فى المجال مما يجعل الفنيين او المهندسين العاملين فى هذا المجال يخضعون لاراء و قرارات فى اتجاه خاطىء
لمجرد ان ديره ليس على المستوى الفنى الائق او ليس لديه خلفية قوية عن المجال و بالتالى لا يكون الكلام عن التطوير بل مجرد التطبيق الصحيح للتكنولوجيا كحد ادنى

تقبل تحياتى و للحديث بقية

غير معرف يقول...

السلام عليكم
هذه اول مرة اكتب على المدونات او تى اقرأها تقريبافلقد كان عندى فكرة اعتقد انها اختلفت الآن
احب ان احييك مهندس محمد البدرى والله هذا المقال او الموضوع اعجبنى جدا
خصوصا انه هام جدا
شكرا لك
امنية